GünAz TV: Qərbi Azərbaycan Əyalətinin Tikantəpə məntəqəsində baş verən yol qəzasında 6 nəfərin öldüyü, 2 nəfərin isə xəsarət aldığı bildirilir.
Hadisə aprelin 12-də “Təxt-i Süleyman”-Tikantəpə yolunda asfalt zavodunun qarşısında baş verib.
Məlumata görə, “Pejo 405” və “Pejo pars” minik avtomobillərinin toqquşması nəticəsində 5 sərnişin hadisə yerində həlak olub, 3 nəfər isə müxtəlif dərəcəli bədən xəsarəti alıb.
Xəsarət alanlar Təcili Tibbi Yardım maşını ilə Tikantəpənin xəstəxanasına çatdırılıb, onlardan biri xəstəxanada keçinib.
Güney Azərbaycan yollarında təxminən hər gün çoxsaylı insan tələfatı və kütləvi xəsarət alma ilə nəticələnən müxtəlif yol qəzaları baş verir. Ölkənin səlahiyyətli orqanları isə insan həyatına real təhlükə yaradan problemi müxtəlif səbəblərlə izah edir və bu barədə tədbir almaq yerinə, sadəcə xəbər yaymaqla kifayətlənirlər.
Ekspertlər yolların qeyri-standart olması, avtomobillərin keyfiyyətsiz olması və insan amilini baş verən qəzaların əsas səbəbi kimi göstərir.
N.S
