SON XƏBƏRLƏR

Tikantəpənin simvolu kimi tanınan “Sərdar Əfşar” qalası radikal bir kürdə buraxılıb

2021.10.20, 07:36
Tikantəpənin simvolu kimi tanınan “Sərdar Əfşar” qalası radikal bir kürdə buraxılıb

Gunaz.tv

GünAz TV: Qərbi Azərbaycan Əyalətində bölgənin kürdləşdirilməsi prosesi çərçivəsində radikal kürdlərin iqtisadi, mədəni və ictimai mövqelərinin gücləndirilməsi istiqamətində müxtəlif addımlar atılır.

 

Son məlumata görə, Tikantəpə şəhərinin simvolu kimi tanınan “Sərdar Əfşar” qalası 15 illik müqavilə əsasında Nasir Qüdrəti adlı radikal bir kürdə buraxılıb.

 

Qalanın Qərbi Azərbaycanın kürd kökənli valisi Məhəmməd Mehdi Şəhriyari, Tikantəpə Şəhər İcra Hakimiyyətinin keçmiş başçısı Əli Mükərrəmi və Tikantəpənin İran parlamentindəki millət vəkili Humayun Haşiminin səyi nəticəsində Nasir Qüdrətiyə buraxıldığı bildirilir.

 

Nasir Qüdrətinin kürdçülük ideyası uğrunda radikal mövqe sərgilədiyi, hətta kürd terror qruplaşmalarının tərəfdarı olduğu deyilir. O Tehranda fəaliyyət göstərən “Asiman gəşt bərin” turizm şirkətinin sahibidir. Məlumata görə, o “Sərdar Əfşar” qalasından sözdə turizm sahəsində istifadə edəcək.

 

 

 

Əldə etdiyimiz məlumata əsasən, Tikantəpənin kürd kökənli sözdə millət vəkili Humayun Haşimi seçkiqabağı təbliğat-təşviqat dönəmində Nasir Qüdrətidən təxminən 1 milyard tümən maliyyə yardımı alıb. Keşmiş İcra Hakimikyyəti başçısı Əli Mükərrəminin isə Nasir Qüdrəti ilə iş əlaqəsi olub. Hər zaman Humayun Haşimi və Məhəmməd Mehdi Şəhriyariyə dəstək verən Əli Mükərrəmi bir müddət əvvəl Şəhəri İcra Hakimiyyətinin başçısı postundan kənarlaşdırılıb.

 

“Sərdar Əfşar” qalası Nasirəddin şah Qacar zamanı “Sərdar Əfşar” adı ilə tanınan Hüseynəli xan Əfşar tərəfindən tikilib. Tarixi məkan təxminən 100 il Azərbaycan Əfşar məntəqəsinin idarə işlərinin mərkəzi olub.

 

Aşağıdakı şəkil 1931-ci ildə “Sərdar Əfşar” qalasında çəkilib. Şəkil Məhəmmədiyyə Mədrəsəsinin təsis edilməsinin 15-ci illiyi münasibəti ilə keçirilən tədbirdə çəkilib, bu şəkildə heç bir kürddili şəxs yoxdur. Bu, Tikantəpənin tarixi və milli kimliyini göstərməkdədir. Kürdlər son illərdə dövlətin Azərbaycana qarşı qərəzli siyasəti nəticəsində bölgəyə üz tutublar.

 

 

 

N.S

SEÇİLMİŞ XƏBƏRLƏR

Çox oxunanlar