Tramp: “İran milləti, bu vəhşi və korrupsiyalaşmış rejimə qarşı ayağa qalxıb”

SON XƏBƏRLƏR

Tramp: “İran milləti, bu vəhşi və korrupsiyalaşmış rejimə qarşı ayağa qalxıb”

2021.10.20, 07:36

Gunaz.tv

GünAzTV: ABŞ prezidenti Donald Tramp yanvarın 2-də özünün şəxsi “Twitter” səhifəsində İranda rejimə qarşı keçirilən kütləvi etirazlarla bağlı yazı paylaşaraq dinc aksiyaçılara yenidən dəstək verib.

Tramp bildirib ki, ABŞ hökuməti İranda baş verən olayları hər an diqqət mərkəzində saxlayır: “İran milləti nəhayət ki, bu vəhşi və korrupsiyalaşmış rejimə qarşı ayağa qalxaraq hərəkətə keçib. ABŞ-ın keçmiş prezidenti Obamanın axmaqcasına İran rejiminə verdiyi bütün pullar terrorimə sərf edilib, öz ciblərinə gedib. Bu gün İran əhalisi qida çatışmazlığı, yüksək inflyasiya və insan hüquqlarının kobud şəkildə pozulması halları ilə üz-üzə qalıb. Amerika İranda baş verən hadisələri izləyir”.

ABŞ prezidenti bundan əvvəl də bir neçə dəfə özünün "Twitter" səhifəsində yazı paylaşaraq, İranda səngimək bilməyən kütləvi etirazlarla bağlı mövqeyini bildirərək, İran millətinin hakim rejimə qarşı apardığı dinc mübarizəsinə dəstək verib.

Xatırladaq ki, İran hakimiyyətinin iqtisadi, daxili və xarici siyasətinə qarşı ilk etirazlar, “Bahalığa yox” adı altında “Teleqram” sosial şəbəkəsində edilən çağırışa əsasən, dekabrın 28-də Rəzəvi Xorasan əyalətinin Məşhəd şəhərindən başlanıb. Son günlər isə etirazçıların səsləndirdiyi şüarlar daha sərtləşərək bütün molla hakimiyyətinin əleyhinə yönəlib.

İranın 70-ə yaxın şəhərində ölkənin ağır və acınacaqlı iqtisadi durumuna, yoxsulluğa, repressiyalara, rejimin daxili və xarici müdaxiləçi siyasətinə qarşı keçirilən etirazlarda, axund Əli Xamneyiyə, prezident Həsən Ruhaniyə və digər rəsmilərə qarşı ölüm şüarları səsləndirilir. Bu günə qədər keçirilən aksiyalarda ən azı 24 nəfər ölüb, 1000-dən çox insan yaxalanıb. Etirazlar davam edir.