“Traxtur” klubunun sahibi və klub rəsmilərindən “Perspolis” tərəfdarlarının təhqirlərinə etiraz

28.01.2020, 09:21

GünAz TV: Bazar günü Tehranın Azadi stadionunda bu şəhərin “Perspolis” və Güney Azərbaycanın “Traxtur” komandaları arasında keçirilən görüş zamanı, eləcə də  oyun bitdikdən sonra görüşə ev sahibliyi edən komandanın tərəfdarları “Traxtur” komandası və Azərbaycan türk millətini kobud təhqirlərə məruz qoyublar.

 

“Traxtur” klubunun sahibi Məhəmmədrza Zenuzi baş verən hadisəyə reaksiya verərək “Perspolis” klubu və tərəfdarlarının bu hərəkətini pisləyib.

 

““Perspolis” bizdən nəyin intiqamını alır?! Biz Təbrizdə onlara güldən ağır söz deməmişik. Hətta komandamız uduzduğu zaman azarkeşlərimiz təhqirə yol vermədilər.

Məhəmmədrza Əkbəriyan dəfələrlə “Traxtur”un əleyhinə fit çalıb. Futbol Federasiyasının “Traxtur”-“Perspolis” oyunu üçün onu hakim seçməsi bu məsələlərə səbəb oldu. Ona görə də baş verən hadisələrə görə Futbol Federasiyası məsuliyyət daşıyır.”- deyə Məhəmmədrza Zenuzi bildirib.

 

Məhəmmədrza Zenuzi

 

“Traxtur” klubunun icraçı direktoru Əyyub Zülfiqari də “Perspolis” tərəfdarlarının irqçi hərəkətlərinə rekasiya verib. O bildirib ki, bu vəziyyətdə super liqa yarışlarının dayandırılması daha yaxşı olardı.

 

İcraçı direktor bu barədə “İrna” xəbər agentliyinə danışıb.

“Futbol Federasiyası bu kimi təhqirlərə bir dəfə də olsa kəskin cavab verməli və düzgün qərar qəbul etməlidir.

Maraqlıdır stadiona bu qədər daş necə gətirilmişdir?! Bu, ölkənin idman camiəsini düşündürməlidir.

“Traxtur” tərəfdarları yalnız öz komandasını təşviq edirdi. Lakin rəqib komandanın tərəfdarları təhqiramiz şüar verib və daş atmağa başladığı zaman onlar da cavab verməli oldular.

Futbol Federasiyasının İnzibati Komitəsi hər zaman “Perspolis” tərəfdarlarının kobud və təhqiramiz hərəkətlərinə göz yumub. Bu məsələ “Traxtur”, “Sepahan”, “Fulad”, “Nəssaci” və digər komandaların tərəfdarlarını düşündürür.”- deyə o bildirib.

 

Əyyub Zülfiqari

 

Əyyub Zülfiqari hakim Məhəmmədrza Əkbəriyanın verdiyi qərarlara da öz etirazını bildirib. “Hamı hakimin oyunu necə idarə etdiyini və verdiyi qərarları müşahidə etdi. Hər iki komandanın baş məşqçiləri müəyyən məsələlərə görə etiraz etdilər. Lakin yalnız “Traxtur”un baş məşqçisi Sakit İlhami xaric edildi. Hakim “Perspolis”in hücumçusu Osaqunaya yol verdiyi qanun pozuntularına görə qırmızı kart götərməli idi. Lakin “Perspolis”in ziyanına olmasın deyə oyunçunun hərəkətlərinə göz yumdu.”- deyə “Traxtur”un icraçı direktoru əlavə edib.

 

Xatırladaq ki, “Traxtur”-“Perspolis” görüşü yanvarın 26-da Tehranın Azadi stadionunda keçirilib. Oyun boyu “Perspolis” tərəfdarları rəqib komanda və Azərbaycan türk millətini kobud təhqirlərə məruz qoyub. Sonda oyun hakimin qərəzli və yanlış qərarlarının nəticəsi olaraq 2:0 hesabı ilə ev sahibinin xeyirinə yekunlaşıb.

 

İran Gənclər və İdman Nazirliyinin dəstək verdiyi komandanın tərəfdarları yalnız görüş zamanı deyil, oyun bitdikdən sonra da təhqiramiz hərəkətlərini davam etdiriblər.

Oyundan sonra Azərbaycan komandası və türk millətinə qarşı yönələn olduqca təhqiramiz bir video sosial şəbəkələrdə paylaşılıb. Bu göstərir ki, panfarsistlərin Azərbaycana qarşı təhqirləri yalnız stadionla məhdudlaşmır.

 

https://www.youtube.com/watch?v=25vqw6SEM2E&feature=emb_logo

 

“Perspolis” tərəfdarları çəkdikləri təhqiramiz klipi sosial şəbəkələr, o cümlədən İnstaqramda yaymaqla milyonlarla Güney Azərbaycan türkünə qarşı olan nifrətlərini nümayiş etdiriblər.

 

Əslində şovinistlərin bu kimi hərəkətləri “Perspolis” və “İstiqlal” komandaları ilə görüşdə hər zaman müşahidə olunub. Lakin İdman Nazirliyi və digər səlahiyyətli orqanlar böyük bir milləti təhqirə məruz qoyan irqçilərin qarşısında susmağa üstünlük verir. Hökumətin bu mövqeyi hər zaman azərbaycanlıların kəskin etirazı ilə qarşılanıb.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Təbrizin cümə imamından iddia: "İranın bölgədəki gücü Rusiyanı bizimlə münasibətlər qurmağa məcbur edib"

2022-01-21

gun az article

Həmədanda məktəblilər arasında narkotikaya meyillənənlərin sayı artıb

2022-01-21

gun az article

Şərqi Azərbaycanda sahibkarların fəaliyyətinə əngəllər yaradılır

2022-01-21

gun az article

Qəzvin xəstəxanalarının 80 faizi istifadəyə yararsızdır

2022-01-21

gun az article

Şərqi Azərbaycanda həbslər: Korrupsiyada ittiham olunan hökumət məmurları saxlanılıb

2022-01-21

gun az article

Ərdəbildə yollar bağlanıb- Qar təmizləyən texnika çatışmır-VİDEO

2022-01-21

gun az article

Şərqi Azərbaycanın 12 qeyri-maddi mədəni irs nümunəsi milli əsərlər siyahısına salınıb

2022-01-21

gun az article

Təbriz metrosu üçün nəzərdə tutulan vaqonlar Şiraza verildi-VİDEO

2022-01-21

gun az article

Ərdəbil mollasından Azərbaycan Respublikasına məsləhət: "Şiəlikdən yetərincə istifadə edilməlidir"

2022-01-21

gun az article

“Kəndin un problemini siyasiləşdirməyin”- Qoşaçayda etiraz aksiyası keçirilib

2022-01-21

gun az article

Ətraf mühit fəalları Təbriz İES-i rəhbərliyinə qarşı məhkəmə iddiası qaldırıb

2022-01-21

gun az article

Tehranda İbrahim Rəisiyə qarşı şüarları səsləndirild-VİDEO

2022-01-20

gun az article

Qəzvində təbii fəlakətdən zərər çəkənlərin təzminatı ödənilmir

2022-01-20

gun az article

Ərdəbildə mədəniyyət və incəsənət kompleksinin tikintisi yarımçıq qalıb

2022-01-20

gun az article

"Azərbaycanın haqqını yeyərək həyasızlaşıblar"- Millət vəkili Kirmanın nümayəndəsinə cavab verdi

2022-01-20

gun az article

Türkiyənin Təbrizdəki baş konsulu: “Türkiyəlilər təbrizliləri özlərinin qardaşı sayır”

2022-01-20

gun az article

Qəzvinin 4 qeyri-maddi mədəni irsi milli əsərlər siyahısına salınıb

2022-01-20

gun az article

Xamneyinin nümayəndəsindən Azərbaycana və Türkiyəyə qarşı əcaib ittiham

2022-01-20

gun az article

Güclü qar səbəbindən Güney Azərbaycanda məktəblər bağlanıb- Minlərlə avtomobil yollarda qalıb-VİDEO

2022-01-20

gun az article

Güney azərbaycanlı gənc dünyanın altıncı ən yaxşı futzalçısı seçilib

2022-01-20