GünAz TV: Güney Azərbaycanın “Traxtur” futbol komandası Təbrizin səhənd stadionunda qəbul etdiyi rəqibini 1:0 hesabı ilə məğlub yola salıb.
İran üzrə futbol klublarının super liqa yarışlarının 6-ci həftəsində Azərbaycan klubu “Pars Cənubi” komandası ilə qarşılaşıb.
Cümə günü yerli vaxtla saat 18:30-da başlayan görüş 1:0 hesabı ilə ev sahibinin xeyirinə yekunlaşıb.
“Traxtur”a qələbə qazandıran qol 25-ci dəqiqədə Ehsan Hacı Səfi tərəfindən vurulub.
“Traxtur” bu qələbədən sonra 14 xalla turnir cədvəlindəki 2-ci yerini qoruyub saxlaya bilib.
N.S
