Türkiyə Gənclik Məclisi Xocalı Soyqırımını qəbul etdi

SON XƏBƏRLƏR

Türkiyə Gənclik Məclisi Xocalı Soyqırımını qəbul etdi

2021.10.20, 07:36

Gunaz.tv

Türkiyə Gənclik Məclisi 10 iyul Xocalı Soyqırımını qəbul edib. Bu barədə "Qaynar.info"-ya məclisə təqdim olunan qanun layihəsinin müəlliflərindən biri, Dalğa Gənclər Hərakatının təşkilati məsələlər üzrə koordinatoru Elşən Poladlı məlumat verib. E.Poladlının sözlərinə görə, "26 fevral- Xocalı Soyqırımı Türkiyədə anılsın" adlı qanun layihəsinin digər müəllifləri məclis üzvləri- azərbaycanlı Əli Əliyev və türkiyəli həmkarı Can Giray Özgül olub. Qanun layihəsi Türkiyə Gənclik Məclisi Başkanlığına təqdim edilib və 73 səsə lehinə, 4 səsə əleyhinə olmaqla qəbul edilib. Ənənəyə görə, Türkiyə Gənclik Məclisində qəbul olunan qərarlar həm də qanun təklifi statusu daşıyır və hüquqi status alması üçün Türkiyə Böyük Millət Məclisinə (TBMM) təqdim olunur. TGM-nin 2004-cü ildən düzənlədiyi bu layihəyə ilk dəfə bu il Azərbaycan gəncləri- DALĞA GH-nin təmsilçisi Elşən Poladlı və AGAT-nı təmsil edən Əli Əliyev də qatılıb.