Türkiyə və Amerika Silahlı Qüvvələrinin birlikləri Münbiçdә birgә nәzarәt faliyyәtlәrinә başlayacaq

SON XƏBƏRLƏR

Türkiyə və Amerika Silahlı Qüvvələrinin birlikləri Münbiçdә birgә nәzarәt faliyyәtlәrinә başlayacaq

2021.10.20, 07:36

Gunaz.tv

GünAz TV: Suriyanın Münbiç bölgәsindә Türkiyә Silahlı Qüvvәlәri vә Amerika Birlәşmiş Ştatları (ABŞ) Silahlı Qüvvәlәrinin birliklәrinin birgә nәzarәt fәaliyyәtlәrinin qısa zamanda başlayacağı bildirilib.

Mәlumata görә, nәzarәt fәaliyyәti tәlimlәri ilә bağlı işlәrin son mәrhәlәsinә gәlinib.

Rәsmilәr tәlimlәrin tezliklә başlaması üçün lazımi addımların atıldığını bildirib.

Türkiyə Silahlı Qüvvələri Baş Qərargahı TSQ və Amerika Birləşmiş Ştatları Silahlı Qüvvələrinin birlikləri tərəfindən "Fərat Qalxanı" əməliyyatı sahəsi ilə Münbiç arasında qalan zolaqda 53-cü koordinasiyalı/müstəqil nəzarət fəaliyyətinin həyata keçirildiyini qeyd etmişdi.

Türkiyә vә ABŞ-ın iyunun 4-dә әldә etdiyi razılıq Fәrat çayının qәrb sahillәrindә olan separatçı terror tәşkilatı PKK-nın Suriya qolu PYD-YPG üzvü terrorçuların bölgәdәn çıxarılmasını, ikinci mәrhәlәdә isә Türk vә ABŞ tәrәflәrinin bölgәdә birgә nәzarәt fәaliyyәti keçirmәsini nәzәrdә tutur.

Razilaşmanın üçüncü mәrhәlәsi isә Münbiçin idarәsinin yerli әhali tәrәfindәn hәyata keçirilmәsini nәzәrdә tutur.

Bölgәnin tәhlükәsizliyini tәmin edәcәk hәrbi mәclis isә әhalinin etnik tәrkibinә görә qurulacaq.

Qeyd edәk ki, YPG/PKK terror tәşkilatı DEAŞ-ın nәzarәtindәki Hәlәbin Münbiç rayonunu 2016-cı ilin avqust ayında ABŞ-ın dәstәyi ilә işğal etmişdi.

Terror təşkilatı DEAŞ-a qarşı mübarizə bəhanəsi ilə YPG/PKK-ya dəstəyini davam etdirən ABŞ bölgә mərkəzinin DEAŞ-dan təmizlənməsindәn sonra YPG/PKK-nın rayondan çıxması məsələsində Türkiyəyə zəmanət versә dә bunu yerinə yetirməmişdi.

Xatırladaq ki, Münbiç әhalisinin 90%-ni әrәblәr tәşkil edir. TRT

N.S