Urmiyənin millət vəkillərinin təhmil olunmuş valinin qərəzli çıxışına etirazları davam edir

10.12.2018, 06:35

GünAz TV: Urmiyənin İran parlamentindəki millət vəkilləri Ruhulla Həzrətpur və Hadi Bahaduri ötən əsrin əvvəllərində azərbaycanlılara qarşı törədilən Ciloluq qətliamını inkar edən Qərbi Azərbaycanın kürd kökənli valisinə etiraz ediblər.

 

R.Həzrətpur şənbə günü Urmiyənin Quluncu kəndinin əhalisi ilə görüşdə ikinci dəfə olaraq bu məsələyə münasibət bildirib.

 

“Mən inkişafdan geri qalmağın səbəblərinin araşdırılması və bunun zəruri olması ilə bağlı cənab vali ilə razıyam. Lakin onun çıxartdığı nəticə və təhlili ilə qətiyyən razı deyiləm.

Biz insanlarda şübhə yaratmaq və tarixi cinayətləri gizlətməklə heç nəyə nail ola bilmərik. Əgər Azərbaycan milləti bir tarixi cinayəti vurğulayırsa, bu ixtilaf yaratmaq üçün deyil, sadəcə cinayətlərin təkrar olunmamasına lazımdır.

Vali bizim qonağımızdır. Qonaqpərvərlik isə bizim mədəniyyətimizdir. Lakin ondan istəyirik ki, tarixi hadisələrə üzdən yanaşmasın və bu işləri tarixçilərə buraxsın. O yaxşı olar ki, iqtisadiyyat, iş yerləri yaratmaq və bölgəyə sərmayə cəlb etməklə məşğul olsun”- deyə millət vəkili bildirib.

 

R.Həzrətpur sözlərinin sonunda Qərbi Azərbaycana təhmil olunmuş vali Məhəmməd Mehdi Şəhriyariyə xitabən belə deyib: “Cənab vali, siz bölgəyə sərmayə cəlb etmək şüarı ilə Qərbi Azərbaycan Əyalətinə gəldiniz. Əyalətdən gedən zaman sizə bu barədə sual veriləcək. Sizin uğurlu və ya uğursuz fəaliyyətiniz sərmayə cəlb etmək şüarının gərçəkləşməsi ilə müəyyən ediləcək.”

 

Urmiyənin İran parlamentindəki millət vəkili Hadi Bahaduri də Məhəmməd Mehdi Şəhriyarinin Azərbaycana qarşı yönələn çıxışına münasibət bildirib. O azərbaycanlıların erməni, asuri və talançı kürd dəstələri tərəfindən qətliam edilməsi ilə bağlı Teleqram kanalında bir mətn paylaşıb.

 

“Parlamentdə çıxışlarımın birində işarə etdiyim kimi, Azərbaycanın qərb bölgəsinin şərif əhalisi son 200 ildə çox çətin və məzlumcasına bir həyat yaşayıb. Bu tarixin sənədləşdirməsi gələcəyin yolunu işıqlandıra bilər. Ciloluq faciəsinin baş verməsinin səbəbkarlarından biri dövrün qorxaq və nalayiq hökmdarları olub”- deyə o mətnin bir hissəsində qeyd edib.

 

H.Bahaduri İran rejimi tərəfindən Qərbi Azərbaycana təhmil olunmuş Məhəmməd Mehdi Şəhriyariyə xitabən bildirib ki, biz dimdik dayanmışıq və bədxahların qarşısında təslim olmayacayıq. Bu mövqedən bir addım belə geri oturmayacayıq. Ona görə ki, laqeydlik, tərəddüd və süstlüyün inkişafla heç bir əlaqəsi yoxdur.

 

Azərbaycanlı millət vəkili dolayı yolla Qərbi Azərbaycan Əyalətində fəal olan terrorçu qruplaşmalara da xəbərdarlıq edib: O vurğulayıb ki, biz torpaq yeyərik, lakin torpaq vermərik.

 

Bundan əvvəl Urmiyənin millət vəkili nadir Qazipur da Teleqram kanalında oxşar açıqlama yayaraq Məhəmməd Mehdi Şəhriyarinin qərəzli çıxışını pisləyib. R.Həzrətpur isə məsələyə birinci dəfə Twitter səhifəsində münasibət bildirib.

 

XX əsrin əvvəllərində birinci dünya müharibəsinin sonlarında erməni, asuri və kürd dəstələri bir sıra xarici ölkələrin dəstəyi ilə Güney Azərbaycanın Urmiyə, Salmas və Xoy şəhərlərində kütləvi qətliam törədiblər. Kütləvi qırğın zamanı onminlərlə günahsız azərbaycanlı qətlə yetirilib. Bu tarixi hadisə, Ciloluq faciəsi kimi tarixə düşüb.

Məhəmməd Mehdi Şəhriyari dekabrın 7-də Ciloluq qətlimanını inkar edərək onu dəyərsiz hadisə adlandırıb. Mövzu ilə bağlı öyrəncilərin qarşısında çıxış edən vali bu məsələnin gündəmə gətirilməsini Qərbi Azərbaycanın inkişafına mane olduğunu bildirib.

Ciloluq soyqırımı bir tarixi gərçəkdir. Hər zaman Azərbaycan və türk millətinin mənafeyinə qarşı çıxış edən Məhəmməd Mehdi Şəhriyari İran rejiminin anti-Azərbaycan siyasəti sayəsində üzərində soyqırım ləkəsi gəzdirən cinayətkarları təmizə çıxartmağa çalışır.

 

Məhəmməd Mehdi Şəhriyari radikal kürdlərdən biridir, o Şimali Xorasanın Bocnurd şəhərindəndir.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Şərqi Azərbaycanda doğum sayı kəskin azalıb

2022-06-30

gun az article

"Azərbaycançılıq irançılığa, türkçülük farsçılığa qarşı mübarizə aparır"- Əhməd Obalı

2022-06-30

gun az article

Təbrizli atlet dünya çempionatına lisenziya qazanıb

2022-06-30

gun az article

Təbrizin qida sənayesi fabrikində güclü yanğın olub

2022-06-30

gun az article

"Görüş”də müzakirə: “Nüvə anlaşması Bərcam çıxılmaz vəziyyətdə” və “Terrorçu SEPAH-da nələr baş verir”-VİDEO

2022-06-30

gun az article

Quzey Azərbaycandan güneyli siyasi məhbuslara dəstək-FOTOLAR

2022-06-30

gun az article

Güneyli siyasi məhbus Rza Şəhabinin həyatı təhlükədədir

2022-06-30

gun az article

"Babək qalasında etnik mərasimlərin qarşısı alınmalıdır"-Kəleybər prokuroru

2022-06-29

gun az article

Urmu və Ocanda Babək qalasına yürüşlə bağlı çağırışlar edilib

2022-06-29

gun az article

Beynəlxalq Əfv Təşkilatı güneyli məhbusla bağlı bəyanat yaydı

2022-06-29

gun az article

"Qonşu ölkələr bizim tərəfdən dostluq mövqeyi hiss etmirlər"- Təbrizli deputatdan Xameneyinin müşavirinə cavab

2022-06-29

gun az article

Təbrizdə etiraz: Əhali Tehran yolunu bağladı

2022-06-29

gun az article

Ərdəbildə Krım-Konqo qızdırması yayılıb

2022-06-29

gun az article

Sulduzda Babək qalasına yürüşlə bağlı afişalar yayılıb-FOTO

2022-06-29

gun az article

“Özümüz” proqramında müzakirə: “Çaldıran savaşından öncə Səfəvi və Osmanlı ilişkiləri”-VİDEO

2022-06-29

gun az article

Təbrizdə su çatışmazlığı böhran həddinə çata bilər

2022-06-29

gun az article

Urmu gölünün bərpası məqsədilə imzatoplama kampaniyası başlayıb

2022-06-29

gun az article

Ərdəbildə Babək qalasına yürüşlə bağlı afışalar yayılıb

2022-06-29

gun az article

Kəleybərdə milli fəal həbs edilib

2022-06-29

gun az article

Qərbi Azərbaycanda 2 tondan çox narkotik maddə müsadirə edilib

2022-06-28