Ustad Şəhriyarın büstünün təxrib edilməsi belə izah olundu

SON XƏBƏRLƏR

Ustad Şəhriyarın büstünün təxrib edilməsi belə izah olundu – İran televiziyasında / VİDEO

2021.10.20, 07:36

Gunaz.tv

GünAz TV: Xəbər verdiyimiz kimi, ötən günlərdə Ərdəbilin Parsabad şəhərində Azərbaycanın görkəmli şairi ustad Məhəmməd Hüseyn Şəhriyarın büstü naməlum şəxs və ya şəxslər tərəfindən təxrib edilib.

Baş verən hadisəyə aprelin 17-də İran televiziyasında işarə olunub. “Kanal 2”-nin “Titr 2” verilişində şairin büstünün təxrib olunmasını izah etməyə çalışsalar da, onun həqiqəti əks etdirmədiyini anlamaq mümkündür.

Aparıcı telefon əlaqəsini birbaşa yaymadan iddia edib ki, Parsabad Şəhər Şurasının üzvləri ilə əlaqə saxlayaraq baş verən hadisə barədə məlumat alıb.

“Mən Şura rəisi Musa Eyvəzzadə və Şura üzvü cənab Abdullahi ilə əlaqə saxladim və baş verən hadisənin səbəbini öyrəndim. Məlum oldu ki, şifahi bir qərara görə büstü olduğu yerdən götürüb daha münasib yerə qoymaq istəyiblər”- deyə o sözlərinin bir hissəsində qeyd edib.

https://www.youtube.com/watch?time_continue=18&v=153IqEUnbSE

Deyilən sözdən özünün də tam qane olmadığına eyham vuran aparıcı daha bir üstüörtülü söz deyib. O məsələnin təfərrüatına getmədən bildirib ki, ötən həftə büst təxrib olarkən “Şəhriyar” meydanında olan Şura üzvü vəsiqə qarşılığında müvəqqəti olaraq azadlığa buraxılıb.

Qeyd edək ki, Parsabadın “Şehriyar” meydanında 3 il əvvəl qoyulan büst ötən həftə naməlum şəxs vəya şəxslər tərəfindən təxrib olunub. Büst təxrib olunarək Şəhər Şurasının üzvlərindən birinin hadisə yerində olduğu bildirilir.

Hətta bu barədə ötən günlərdə Parsabad prokuroru bildirmişdir ki, “Ustad Şəhriyarın büstü təxrib olunarkən Şəhər Şurasının üzvlərindən biri hadisə yerində olub. Baş verənlərlə bağlı həmin şəxs məhkəməyə çağırılıb.”

Daha çox Şəhriyar təxəllüsü ilə tanınan Məhəmməd Hüseyn Behcət Təbrizi böyük Azərbaycan şairidir. Şəhriyar 1906-cı ildə Təbriz yaxınlığındakı Xoşginab kəndində anadan olub, o şeirlərini Azərbaycan türkcəsi və fars dillərində yazıb.