Putin NATO-nu gücləndirməklə məşğuldur

SON XƏBƏRLƏR

Putin NATO-nu gücləndirməklə məşğuldur - Bayden

2022.12.22, 10:03

Gunaz.tv

"Avropa ölkələrinin iradəsində Ukrayna məsələsi ilə bağlı hər hansı dəyişiklik işartılarının şahidi olmamışam. İkinci Dünya müharibəsindən sonra Avropada bir ölkənin başqa ölkəni işğal etməsini görməmişik.

Buna görə də hamımız nəyin təhlükədə olduğunu çox gözəl bilirik. Avropadakı müttəfiqlərimiz də bunu ən yaxşı başa düşənlərdir.

BMT-nin suverenlik prinsipi təhdid altındadır. Putin NATO-nu zəiflədəcəyini düşünürdü, amma o, NATO-nu gücləndirməklə məşğuldur. Ukraynanı, xalqın müqavimətini dəstəkləməyə davam etməliyik", - deyə Bayden bəyan edib.

Zelenski isə "Patriot"ların Ukrayna üçün həyati əhəmiyyət daşıdığını vurğulayıb: "Son 30 gündə ABŞ-la münasibətlərimiz başqa səviyyəyə qalxıb və gerçək müttəfiqlər olmuşuq".

Ukrayna prezidenti sülh üçün formullar üzərində işləməyin önəmli olduğunu, beynəlxalq sülh sammitinin təşkili ilə bağlı bəzi təklifləri ABŞ tərəfinə çatdırdıqlarını bildirməklə yanaşı, Rusiyanın törətdiyi əməllərə görə məsuliyyət daşımasının vacibliyindən danışıb.

Ayxan