Üzərində Qacar şahının görüntüsü əks olunan unitaz nümayiş etdirildi

SON XƏBƏRLƏR

Üzərində Qacar şahının görüntüsü əks olunan unitaz nümayiş etdirildi – Tehranda Sənətkarla Evində

2021.10.20, 07:36

Gunaz.tv

GünAz TV: Tehranda Sənətkarlar Evi üzərində Nasirəddin şah Qacarın görüntüsü əks olunan unitaz nümayiş etdirilib.

İranda incəsənətin hansı vəziyyətə düşdüyünü göstərən sözdə sənət əsərinin görüntüsü sosial şəbəkələrdə yayılıb. Həmin əsər İran Sənətkarlar Evində də nümayiş etdirilib.

Sözügedən təhqiramiz görüntünün internetdə yayılması soydaşlarımızın kəskin etirazına səbəb olub.

Pəhləvi sülaləsi Böyük Britaniyanın yardımı ilə hakimiyyətə gəldikdən sonra özlərindən əvvəl hakim olmuş Qacar sülaləsinə qarşı böyük təxribatlar həyata keçirdi. Rejim İranın yalnız farsdillilərə aid olduğunu sübut etmək məqsədi ilə ölkə və bölgə millətlərinin tarixini köklü şəkildə təhrif edib, yeni tarix yazmağa başladı. Türklərə qarşı təxribat və təhriflər 1979-cü ildə hakimiyyətə gələn molla rejimi tərəfindən də davam etdirildi. İran Sənətkarlar Evinin yol verdiyi təhqiramiz hərəkət də türk tarixi və milli kimliyinə qarşı atılan qərəzli addımların tərkib hissəsidir.

N.S