SON XƏBƏRLƏR

ETTELAAT valyuta bazarına xələl gətirən 5 nəfəri həbs etdiyini iddia edir

2021.12.10, 13:21
ETTELAAT valyuta bazarına xələl gətirən 5 nəfəri həbs etdiyini iddia edir

Gunaz.tv

Bəyanatda deyilir ki, ETTELAAT-ın mülki geyimli əməkdaşları valyuta bazarında dolların məzənnəsinə müdaxilə edən 5 nəfəri tutub.

“Həmçinin ölkə üzrə lisenziyası olmadan valyuta bazarında fəaliyyət göstərən və xarici valyutanın məzənnəsinə təsir edən 841 nəfərin kimliyi müəyyənləşdirirərək bank hesabları bağlanılıb”, -deyə Nazirliyinin yaydığı bəyanatında bildirilir.

ETTELAAT Nazirliyi həmçinin ölkənin valyuta bazarında “qanunsuz” fəaliyyət göstərən şxslərə xəbərdarlıq edərək, onların bu bazardan sui-istifadə etməsinə, dolların qiymətinə təsir etməsinə və valyuta bazarında sabitliyin pozulmasına imkan verməyəcəyini açıqlayıb.

Nazirliyin bəyanatında həbs edilənlərin adları açıqlanmayıb.

Xatırladaq ki, dekabrın 6-da İranda ABŞ dollarının məzənnəsi yenidən qalxaraq 31 min 40 tüməni çatıb.

Dolların qiymətinin artmasına, Qərblə Tehran arasında Vyanada aparılan nüvə danışıqlarının 7-ci mərhələsinin məğlubiyyətə uğraması səbəb olub.

İran prezidenti İbrahim Rəisi dekabrın 7-si axşam saatlarında hökumətin iqtisadi koordinasiya qərargahının iclasında çıxış edərək dolların məzənnəsinin kəskin qalxmasının qarşısının alması üçün tədbir görülməsini tələb edib.

“Məsul qurumlar valyuta bazarına müdaxilə edən amillərin kimliyini müəyyənləşdirməli, bazaradakı əvvəlki sabitliyi qaytarmaq üçün bir sıra addımlar atmalıdır”, -deyə İran prezidenti İbrahim Rəisi bildirib.

B40F0C8F-B471-4EF0-819A-C2C1D2C21A80_w1023_r1_s.jpg

A.M 

SEÇİLMİŞ XƏBƏRLƏR

Çox oxunanlar