SON XƏBƏRLƏR

Avropa Birliyi İrana qarşı yeni sanksiyalar tətbiq etdi

2022.10.18, 01:15
Avropa Birliyi İrana qarşı yeni sanksiyalar tətbiq etdi

Gunaz.tv

Avropa Birliyi Məhsa Əmininin öldürülməsi və ümumölkə etirazların yatırılması ilə əlaqədar İranın 15 şəxs və qurumuna sanksiya tətbiq edib.

Əxlaq polisi qüvvələrin rəhbəri Məhəmməd Rüstəmi, həmçinin bu qurumun Tehran bölməsinin rəhbəri Hacı Əhməd Mirzayi Avropa Birliyi tərəfindən sanksiyaya məruz qalıb.

Avropa Birliyi həmçinin İranın informasiya və rabitə texnologiyaları naziri İsa Zarepurun adını internetin bağlanmasındakı roluna görə sanksiya tətbiq edilən şəxslərin siyahısına salıb.

Britaniya Xarici İşlər Nazirliyi, həmçinin əxlaq polisinin rəsmilərinə, SEPAH-ın Bəsic Qüvvələrinin rəhbəri Qulamrza Süleymaniyə, İran Polis Qüvvələrinin xüsusi bölməsinin komandiri Həsən Kərəmiyə və komandir Hüseyn Aştariyə də sanksiya tətbiq edib. 

Avropa Birliyi sanksiyalarına səyahət qadağaları və aktivlərin dondurulması daxildir. Bununla yanaşı AB vətəndaşları və şirkətlərinin adları siyahıya salınmış fiziki və hüquqi şəxslərə vəsait ayırması qadağan edilib.

İslam Respublikası Xarici İşlər Nazirliyinin sözçüsü Nasir Kənani Avropa Birliyinin Tehrana qarşı yeni sanksiyalarına cavab olaraq Avropanın müvafiq şəxsləri və qurumlarına qarşı əks sanksiyaların tətbiq olunduğunu açıqlayıb.

Hüsyein Əmirabdullahian tvitində İrana qarşı etirazları yatırtması səbəbindən tətbiq edilən yeni sanksiyaları "hesablama xətası", "qeyri-konstruktiv" və "çoxlu yalan məlumatlara əsaslanan" adlandırıb.

O, həmçinin İslam Respublikasına qarşı sanksiyaların “zəif və təsirsiz vasitə” olduğunu iddia edib.

"Politiko" nəşrinin bildirdiyinə görə, İran bir neçə gün öncə bir qrup avropalı diplomata xüsusi məktub göndərib.

Molla rejimi xalq etirazlarını ölümcül şəkildə yatırtdığı üçün Tehrana qarşı insan haqları sanksiyalarını təsdiqləməyə çalışdıqları üçün onları təhdid edib.

"Politiko" bildirir ki, İran İslam Respublikasının Brüsseldəki səfiri Qulamhüseyn Dehqaninin avropalı diplomatlara yazdığı məktubda İranda etirazlarla bağlı bir çox məlumatların təhrif edildiyi iddia edilib.

Cavidan
 

SEÇİLMİŞ XƏBƏRLƏR

Çox oxunanlar