Avstraliya, Yeni Zelandiya və Kanada BMT-nin İranla bağlı insan haqları qətnaməsinin təsdiqini tələb ediblər

SON XƏBƏRLƏR

Avstraliya, Yeni Zelandiya və Kanada BMT-nin İranla bağlı insan haqları qətnaməsinin təsdiqini tələb ediblər

2022.11.04, 07:18

Gunaz.tv

Üç ölkə İranda İnsan Haqları üzrə Xüsusi Məruzəçiyə giriş icazəsi verilməsi, şəffaflığın yaradılması və insan hüquqları ilə əlaqəli problemlərlə bağlı hesabatlılığın asanlaşdırılması tələblərini dəstəklədiklərini açıqlayıblar.

Bu bəyanatda vurğulanır ki, İslam Respublikası İranda qadın və qızlara, eləcə də etnik və dini azlıqlara qarşı davamlı və sistematik təzyiqlərə görə cavabdeh olmalıdır.

Bu üç ölkənin fikrincə, İranın BMT-nin Qadınlar Komissiyasının üzvü kimi qadın və qızların hüquqlarını bu cür alçaldaraq pozması qəbuledilməzdir.

İran xalqlarının inqilabi qiyamının Tehran hökuməti tərəfindən yatırılması ilə bağlı BMT Təhlükəsizlik Şurasının üzvlərinin xüsusi iclası yekdilliklə insan haqlarının pozulmasını pisləyib və bu iclasda iştirak edən ölkələrin nümayəndələri etirazçılara dəstək verəcəklərini bəyan ediblər.

Cavidan