Xamneyi Zərifin səs yazısından danışdı: “Bu, Amerikanın bizə qarşı düşmən ritorikasının təkrarıdır"

2021-05-03 10:54

İranın “dini lider”i Əli Xamneyi mayın 2-də dövlət televiziyasında çıxışında  xarici işlər naziri Məhəmməd Cavad Zərifin gizli səs yazısı ilə bağlı qalmaqaldan danışıb.

Gunaz.tv Quote | Gunaz article

 Xamneyi Cavad Zərifin mediaya sızdırılmış gizli səs yazısında “Sepah”ın “Qüds” briqadasının keçmiş komandanı Qasım Süleymani və ölkənin xarici diplomatiyasının “Qüds” bariqadası tərəfindən təyin edilməsi ilə bağlı tənqid dolu sözlərinə münasibət bildirib.

Xamneyi öz çıxışında Zərifin adını çəkmədən onun mediaya sızdırılmış səs yazısının ölkədə qalmaqala səbəb olmasına toxunaraq deyib ki, o həmin səs yazısındakı sözləri eşitdikdən sonra təəccüblənib.


“Bu, düşmənlərimizin və Amerikanın bizə qarşı düşmən ritorikasının təkrarıdır. Eşitdiyimizə görə İran İslam Respublikası ilə müxalif olan düşmən mediası da bu səs yazısını yayıblar. İnsan bunları eşidəndə təəssüf hissi keçirir. 


Bu sözlərin bəzilər Amerikanın bizə qarşı sözlərinin təkrarıdır. Amerikalılar illərdir ki, islam respublikasının regiondakı nüfuzundan narahatdır. Amerikalılar şəhid Qasım Süleymaninin əlindən məhz buna görə narahat idilər və həmin səsəbə görə də onu şəhid etdilər. 


Biz, danışanda elə danışmalıyıq ki, Amerikanın “Qüds” briqadası və şəhid Süleymani barəsindəki sözlərini təkrarladığımız kimi başa düşülməsin. 


Hakimiyyətdə təmsil olunan hansısa bir qurum və ya bölmənin digər qurum və ya bölməni inkar etməsinin heç bir anlamı yoxdur. İslam Respublikasında vəzifə tutan hansısa məsul bir şəxs isə belə böyük bir səhvə yol verməməlidir. 


Hamı bilməlidir ki, xarici siyasət dünyanın heç bir yerində Xarici İşlər Nazirliyində təyin edilmir. Dünyanın hər yerində xarici siyasəti Xarici İşlər Nazirliyindən daha yuxarıda olan qurumlar və şəxslər təyin edirlər.

Əlbəttə, Xarici İşlər Nazirliyi də bu işdə iştirak edir, lakin o yalnız icraçıdır. Daha doğrusu, Xarici İşlər Nazirliyi yuxarıdakıların xarici siyasətlə bağlı qəbul etdiyi qərarlarının icraçısıdır. 


“Sepah”ın “Qüds” briqadası qüvvələrinin xarici fəaliyyətinə gəldikdə isə,  demək olar ki, “Qüds” qüvvələri Qərbi Asiyada passiv diplomatiyanın qarşısını alan ən böyük amildir. 


İslam inqilabı İranı qərblilərin hegemonluğundan çıxardı. İndi isə qərblilər əvvəlki hegemonluqlarını geri qaytarmağa çalışırlar. Qərblilərin İranın Çin və Rusiya ilə münasibətlər qurmasından narahat olmasının səbəbi də məhz bununla bağlıdır. Onlar İranın xarici siyasətinin öz bayraqları altında aparılmasına israr edirlər. Bu isə qəbuledilməzdir”, -deyə İranın “dini lider”i Əli Xamneyi Məhəmməd Cavad Zərifin mediaya sızdırılmış səs yazısındakı sözlərinə bildirərkən bəyan edib. 


Xatırladaq ki, Xamneyinin dövlət televiziyasındakı çıxışından az əvvəl İranın xarici işlər naziri Məhəmməd Cavad Zərif “İnstaqram” sosial şəbəkəsindəki hesabında paylaşım edərək, gizli səs yazısında dilə gətirdiyi sözlərinə görə Qasım Süleymaninin ailəsindən, o cümlədən də onun qızı Zeynəb Süleymanidən üzr istəyib və onlardan onu bağışlamalarını xahiş edib.


“Bilsəydim dediklərim ictimaiyyətdə yayılacaq, keçmişdə olduğu kimi bircə kəlmə belə dilimə gətirməzdim. Bu baxımdan dərin təəssüf hissi keçirirəm”, -deyə Məhəmməd Cavad Zərif bildirib. 

Xatırladaq ki, Zərifin cari ilin mart ayında İranın prezident aparatının strateji araşdırmalar mərkəzində ölkənin bir sıra daxili və xarici siyasəti və İranın xarici siyasətinin tamamilə “Sepah”ın “Qüds” briqadası tərəfindən təyin edilməsi ilə bağlı verdiyi gizli müsahibəsinin səs yazısının ETTELLAT Nazirliyindən oğurlanaraq mediaya sızdırılması, hakimiyyətdə və ölkənin siyasi dairələrində ciddi qalmaqala səbəb olub. 


Həmin səs yazısında, Zərif “Sepah”ın “Qüds” briqadasının keçmiş komandanı Qasım Süleymaninin ölkənin xarici siyasətinə müdaxiləsindən və İranın xarici diplomatiyasının onun Suriyadakı militarist hərəkətlərinə qurban getməsindən gileynərək, Qasım Süleymaninin Rusiya prezidenti ilə sıx əməkdaşlığından və Suriyada savaşında Vladimir Putinin iradəsi və istəyi ilə hərəkət etməsinə eyham vurur.


A.M 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Kölndə Azərbaycan dilinin tədrisinə başlanılıb

2021-09-17

gun az article

Səid Xətibzadə: “Böyük Tonb, Kiçik Tonb və Əbu Musa adaları İran məxsusdur”

2021-09-17

gun az article

Şuşada qəzaya düşən hərbçi vəfat edib

2021-09-17

gun az article

“Arşın mal alan” Çində çin dilində tamaşaya qoyulub – VİDEO

2021-09-17

gun az article

İran rəsmən Şanxay Əməkdaşlıq Təşkilatına üzv seçilib

2021-09-17

gun az article

Ceyhun Bayramov: "Azərbaycan BMT ilə əməkdaşlığa əhəmiyyət verir"

2021-09-17

gun az article

Şuşanın "Türk dünyasının mədəniyyət paytaxtı"na namizədliyi təqdim edilib

2021-09-17

gun az article

İran rəsmisi: “Ərak ağır su reaktoru ən qısa zamanda istifadəyə hazır olmalıdır”

2021-09-17

gun az article

"Son hadisələr İranla Ermənistanın birgə oyunudur, aramıza nifaq salmaq istəyirlər”- Araz Obalı

2021-09-17

gun az article

İranın Rəcayişəhr zindanında daha 5 məhkum edam edilib.

2021-09-17

gun az article

Avropa İttifaqının Cənubi Qafqaz üzrə xüsusi nümayəndəsi Ağdama gedir

2021-09-17

gun az article

Bakının işğaldan azad edilməsinin 103-cü ildönümü Ağrıdağa yürüşlə qeyd edilib

2021-09-17

gun az article

İran rəsmisi: “İbrahim Rəisi BMT-nin Baş Assambleyasında çıxış edəcək”

2021-09-17

gun az article

İranın “Hizbullah”a göndərdiyi yanacaq karvanı Livana daxil olub

2021-09-17

gun az article

Zaxarova: "Regionda nəqliyyat yollarını açmaq üçün səylərimiz davam edəcək"

2021-09-16

gun az article

İbrahim Rəisi: “İranın qonşu və region ölkələri ilə əlaqələri hökumətimizin prioritet məsələsidir”

2021-09-16

gun az article

QHT-lərin fəaliyyətini tənzimləyən qanunlara dəyişiklik ediləcək

2021-09-16

gun az article

Ermənistan Prezidenti Fransaya gedib

2021-09-16

gun az article

"Qazaxıstan 2050-ci ildə dünyanın ən inkişaf etmiş 30 ölkəsindən biri olacaq"- Nazarbayev:

2021-09-16

gun az article

ETTELAAT “düşmən ölkələrin xəfiyyəsinə bağlı olan terrorçu dəstə” üzvlərini zərərsizləşdirdiyini bildirib

2021-09-16