SON XƏBƏRLƏR

Xəzər İbrahim : "Biz bilirik ki, PKK təhlükəsi çox yüksəkdir və bunun cavabını verməyə hazırıq"

2021.10.20, 07:36
Xəzər İbrahim : "Biz bilirik ki, PKK təhlükəsi çox yüksəkdir və bunun cavabını verməyə hazırıq"

Gunaz.tv
"PKK terrorçu təşkilatdır" pkk02.jpg Xəzər İbrahim : "Biz bilirik ki, PKK təhlükəsi çox yüksəkdir və bunun cavabını verməyə hazırıq" Dünən Xarici İşlər Nazirliyində həftəlik brifinq keçirildi. Bu həftə xarici işlər naziri Elmar Məmmədyarovun bir sıra vacib görüşlər keçirəcəyini deyən XİN-in mətbuat katibi Xəzər İbrahim dünən Avropa Birliyinin Cənubi Qafqaz ölkələri üzrə xüsusi nümayəndəsi Piter Semnebilə görüşün olduğunu bildirdi. Bu cür görüşlər haqqında məlumat verən mətbuat katibi ötən həftə Brüsseldə Avropa- Azərbaycan tələbələri forumunun keçirildiyini, həmin tədbirə xarici işlər nazirinin müavini Araz Əzimovun təmsil etdiyini və konfransda Azərbaycanın AB ölkələrindəki səfirlərinin də qatıldığını söylədi. Bu gün Almaniyanın "Konrad Adenauer" fondu Azərbaycan səfirliyilə bir yerdə tədbir keçirəcək. Tural Konfransın mövzusu isə Azərbaycanda çoxsaylı dinlərin birgə yaşayışı, dini tolerantlıq və ictimai inkişafdır. İşğal olunmuş ərazilərdə terrorçu qrupların məskunlaşmasıyla bağlı sualı cavablandıran Xəzər İbrahim regionda beynəlxalq təhdidlər və təhlükələrin hələ də qaldığını vurğuladı: "Bu təhlükələr beynəlxalq terrorizm, narkotika trafiki və silahların qeyri-qanuni dövriyyəsidir. Yəni regionda təhlükələr çoxdur və bunlar qeyri-ənənəvi təhlükələrdi. Amma Qafqazda ənənəvi təhlükələr də çox geniş yayılıb. Həm ənənəvi, həm də qeyri-ənənəvi təhdid və təhlükələrə cavab vermək üçün Azərbaycan daim iş aparır. Biz dəfələrlə qeyd etmişik ki, PKK terrorçu təşkilatdır. Digər tərəfdən, qloballaşmış dünyada terror təşkilatları başqa təşkilatlarla birgə fəaliyyət göstərir. Azərbaycan özünə qarşı bu təhdidləri gördüyü təqdirdə müvafiq cavab verəcək". Azərbaycanın işğal olunmuş ərazilərində fəaliyyət göstərən PKK-çılarla bağlı məlumatların olduğunu deyən XİN rəsmisi həmin məlumatların davamlı olaraq beynəlxalq təşkilatlarla müzakirə edildiyini açıqladı: "Amma bunlar təbii ki, açıq şəkildə, yəni KİV vasitəsilə çatdırılmır. Biz bilirik ki, PKK təhlükəsi çox yüksəkdir və bunun cavabını verməyə hazırıq". Xəzər İbrahim xarici işlər nazirinin Dövlət Departamentinin Avrasiya enerji təhlükəsizliyi məsələləri üzrə xüsusi nümayəndəsilə görüşündə Azərbaycanın enerji təhlükəsizliyi məsələsinin qaldıracağı haqda sualı da cavablandırdı: "Enerji təhlükəsizliyi məsələsi Azərbaycanın həm xarici siyasətində, həm də ümumi dövlət siyasətində önəmli yerlərdən birini tutur. Azərbaycan bu istiqamətdə müxtəlif dost dövlətlər və tərəfdaş təşkilatlarla əməkdaşlıq edir. Biz bundan sonra da bu əməkdaşlığı davam etdirəcəyik. Təbii ki, enerji məsələləri çərçivəsində bütün danışıqlarda Bakı-Tiflis-Ceyhanın təhlükəsizliyi və ümumiyyətlə, digər enerji sektorunun təhlükəsizliyi önəmli yerlərdən birini tutur. Azərbaycan danışıqlarda və müzakirələrdə bu məsələləri də önəmli bir məsələ kimi qaldırır. İlk növbədə hansısa bir enerji infrastrukturunun mühafizəsi həmin dövlətin vəzifəsidir. Azərbaycan da Bakı-Tiflis-Ceyhan kəmərinin öz ərazisindən keçən hissəsinin təhlükəsizliyini təmin etməyə hazırdı. BTC-nin yalnız Azərbaycan deyil, eyni zamanda Gürcüstan və Türkiyə hissələri də var. O dövlətlər də fərdi olaraq öz ərazilərində təhlükəsizliyin qorunması üçün səylər göstərirlər. Digər tərəfdən, birgə qrup da mövcuddur ki, Azərbaycan, Türkiyə və Gürcüstan bu istiqamətdə əməkdaşlıq edirlər". Xəzər İbrahim Ermənistanın xarici işlər naziri Nalbandyanın Moskvaya səfərinə və səfərdən sonra Rusiya xarici işlər naziri Sergey Lavrovun həmsədrlərin adından bəyanat verərək müharibə variantının mümkünsüzlüyünü bildirməsinə münasibət açıqladı: "Əgər Rusiyanın xarici işlər naziri belə bəyanat verirsə, onda bu ölkə Ermənistanın öz işğalçı qüvvələrini Azərbaycan ərazisindən çıxarmasını tələb etməlidir. Çünki münaqişənin hərb yoluyla həll etmək əzmində olan yeganə dövlət Ermənistandır, bu məqsədlə də Azərbaycan ərazilərini işğal edib. Ona görə də burada məntiqi bir sual yaranır ki, nə üçün Rusiya Ermənistandan işğalçılığa son qoymağı tələb etmir?" Hazırda Azərbaycanın danışıqları davam etdirdiyini deyən Xəzr İbrahim yaxın vaxtlarda dövlət başçılarının görüşünün olacağını xatırlatdı: "Biz Ermənistandan konkret cavab gözləyirik. Bilmək istəyirik ki, qarşı tərəf münaqişənin həll etmək əzmindədir? onların bunun üçün iradəsi var, ya yox? Ermənistanın bu iradəyə malik olmadığı, bu istiqamətdə iş aparmaq fikrində olmadığını görsək, təbii ki, danışıqlar aparılmasının da heç bir əhəmiyyəti olmayacaq. Azərbaycan hər zaman öz gücünə arxalanıb və biz danışıqlar öncəsi öz milli maraqlarımızı üstün götürərək öz qabiliyyətimizi, gücümüzü otaya qoyaraq danışıqlara hazırlaşırıq. Biz kiminləsə bu istiqamətdə məsləhətləşmələr aparmağa lüzum görmürük. Çünki danışıqlar prosesində iki tərəf var və vasitəçilər mövcuddur. Ona görə də bu formatda danışıqlar gedir. Nalbandyanın Rusiyaya getməsi və orada danışıqlar aparması bu ölkənin tam suveren hüququdur. Digər tərəfdən, bu görüşdə Sergey Lavrovun belə bəyanat verməsi Ermənstana müvafiq mesajın verilməsilə də gücləndirilməlidir. Sergey Lavrovun həmsədrlərin adından bəyanat verməsinə gəldikdə isə, məndə belə məlumat yoxdur ki, ona belə hüquq veriblər, ya yox?. Digər tərəfdən, əgər bu hər üç həmsədr dövlətin mövqeyidirsə, bu çox gözəldir. Yəni onlar hamısı Ermənistandan öz silahlı qüvvələrini Azərbaycan ərazilərindən qeyd-şərsiz çıxarılmasını tələb etməlidirlər". Xəzər İbrahim Avropa Şurasının Azərbaycanla bağlı çıxardığı qətnaməsində sərt məqamların olmasına da münasibət açıqladı: "Biz yaxın vaxtlarda yenidən sərt qətnamələrin olmasını gözləmirik və digər tərəfdən də Azərbaycanla bu dildə danışmaq mümkün deyil". www.xalqcebhesi.az

SEÇİLMİŞ XƏBƏRLƏR

Çox oxunanlar