Bu barədə İran Milli Mis Sənayesi Şirkətinin icraçı direktoru Ərdəşir Sədməhəmmədi “Təsnim” xəbər agentliyinə verdiyi açıqlamada bildirib.
O, “Mis-i Kirman” və “Mis-i Rəfsəncan” komandalarının İran Premyer Liqaya yüksəlməsi ehtimalının yüksək olduğunu deyib və bu komandaların İran Milli Mis Şirkətinin komandaları kimi yarışlara qatıldıqlarını söyləyib.
Fevralın 10-da Vərziğan şəhərinin İran parlamentindəki nümayəndəsi Allahverdi Dehqani Şərqi Azərbaycan mədənlərinin hesabına Kirman idmanına sərmayə qoyuluşunu qınamışdı.
“Şərqi Azərbaycan əyalətinin mis mədənlərindən əldə edilən gəlirlər hesabına büdcəsi təmin olunan İranın “Milli Mis Şirkəti” hər il Kirman əyalətinin idman unfrastrukturuna və idman klublarına 1000 milyard tümən büdcə ayırır.
“Traxtur” idman klubu problemlərlə üzləşib və azərbaycanlılar, klub fanatları ortalama 30-40 milyon tərəfdarı olan klubun “Süngün” mis mədəninin potensial və imkanları hesabına dəstəklənməsini, çətinliklərinin həll olunmasını istəyirlər”-deyə,,deyə, millət vəkili bildirmişdi.
Qeyd edək ki, yanvarın 4-də Təbrizin İran parlamentindəki bir neçə nümayəndəsi, Milli Mis Şirkətinin rəhbəri, İranın Sənaye, Mədən və Ticarət nazirinin iştirakı ilə keçirilən toplantıda klubların “Süngün” mis mədəni şirkətinin himayəsinə verilməsi barədə anlaşma imzalanıb və şirkət klublara dəstək verəcəyini vəd edib.
Bundan sonra Kirmanın İran parlamentindəki nümayəndəsi Məhəmmədrza Puribrahimi və Rəfsəncanın nümayəndəsi Hüseyn Cəlali buna etiraz edib, mis şirkətinin gəlirlərinin Kirmana aid olduğunu iddia ediblər.
Məsələnin üstündən keçən müddət ərzində müxtəlif bəhanələrlə Azərbaycan klublarının malikiyyəti barədə qərar gecikdirilir, onlara maliyyə dəstəyinin verilməsinə ənəgəllər törədilir.
C.E
