Zəhra Nəvidpurun qətl işini kimin boynuna qoymaq istəyirlər?

26.04.2019, 06:30

GünAz TV: Məlikanın sözdə millət vəkili Salman Xudadadinin cinsi təcavüzünə məruz qalan, bir müddət sonra isə qətlə yetirilən gənc qadın Zəhra Nəvidpurun qətlini zorla kimlərinsə boynuna qoymağa çalışırlar, bu İranın təhlükəsizlik qüvvələri və millət vəkilinə bəraət qazandırmaq məqsədi ilə həyata keçirilir.

 

“Məclis və Azərbaycan” hökumət saytının aprelin 24-də yaydığı məlumata görə, gənc məlikanlı qadın Zəhra Nəvidpurun qətl dosyesi ilə bağlı istintaq işləri yekunlaşmaq üzrədir.

 

“Etibarlı mənbələrdən aldığımız məlumata görə, Zəhra Nəvidpur iki nəfər tərəfindən qətlə yetirilib. Qatillər artıq saxlanılıb, hazırda qətl dosyesi Tehranda araşdırılmaqdadır.”- deyə məlumatda qeyd olunub.

 

Saytda vurğulanıb ki, saxlanılan qatillərin Məlikanın millət vəkili ilə heç bir əlaqəsi yoxdur.

 

İki həftə əvvəl Zəhra Nəvidpurun anası bir video yayaraq bildirmişdir ki, baş verən cinayəti Zəhranın qardaşının boynuna qoymağa çalışırlar.

 

“Zəhra Nəvidpurun anasıyam. Övladımı əlimdən aldılar. İndi isə Cinayət-Axtarış İdarəsinin məmurları və Hacı Salmanın adamları bizi təhdid edir. Sözümüzü deməyə imkan vermirlər. Oğlumu zindana salıblar. Mən və qızımı da saxlamışdılar. Bizi buraxdılar, lakin oğlum hələ də həbsxanadadır. Bizi qətli boynumuza almağa məcbur edirlər. Axı bizim nə günahımız var! Sizi inandığınıza and verirəm, bizim dadımıza çatın”- deyə o sözlərinin bir hissəsində qeyd etmişdir.

 

Zəhra Nəvidpur həyatdaykən 4 il müddətinə Hacı Salman Xudadadi tərəfindən cinsi təcavüzə məruz qaldığına dair məhkəmə orqanları, insan hüquqları təşkilatları və kütləvi informasiya vasitələrinə bir çox sənədlər təqdim edib.

Məlikanın vaxtı ilə “Sepah” üzvü olan millət vəkili və onun əlaltıları təcavüz qurbanını dəfələrlə qətlə yetirməklə təhdid edib. Zəhra Nəvidpur qətlindən əvvəl bu barədə çoxlu sənədlər ifşa etmişdir.

 

28 yaşlı Zəhra Nəvidpurun cansız bədəni yanvarın 6-da anasının evində tapılıb. Onun şübhəli ölümü Güney Azərbaycanda bir çox etirazlara səbəb oldu.

 

Bir müddət əvvəl kütləvi informasiya vasitələri Hacı Salman Xudadadinin barəsində məhkəmə hökmü çıxarıldığını bildirib. Qeyd olunub ki, Tehran Cəza Məhkəməsinin 5-ci şöbəsi millət vəkilinə qadına təcavüz ittihamı ilə bağlı bəraət verib, lakin onu qeyri-məşru cinsi əlaqədə olmaqda günahlandıraraq barəsində 2 il işindən uzaqlaşdırma, 2 il sürgün və 99 şallaq zərbəsi hökmü çıxarıb.

Martın 15-də Tehran Əyaləti Ədliyyə İdarəsinin rəisi mətbuata verdiyi açıqlamada hökmün çıxarıldığını, lakin qərarın qəti olmadığını qeyd edib.

 

Zəhra Nəvidpurun qətlindən sonra prokurorluq hadisənin qətl deyil, intihar olduğunu iddia etmişdir. Mətbuat orqanları da prokurorluq tərəfindən yayılan məlumata istinadən Zəhra Nəvidpurun zəhərli həblər qəbul edərək intihar etdiyini yazmışdır.

 

Təcavüzə məruz qalan qadının qətl dosyesi haqda yayılan ziddiyyətli xəbərlər götərir ki, bütün işlər hər kəsin şübhəli gördüyü millət vəkili və təhlükəsizlik orqanlarının etdiyi cinayəti ört-basdır etməyə yönəlib.

 

Salman Xudadadi bundan əvvəl Məlikan “Sepah”ının komandiri, Ərdəbil Ettelaat Şöbəsinin rəisi və Şərqi Azərbaycan Ettelaat İdarəsinin rəis müavini postlarında işləyib. O azərbaycanlı milli-mədəni fəallara qarşı etdiyi təzyirlərlə seçilir, bu günə qədər çox sayda fəal onun göstərişi əsasında saxlanılıb və məhkəmə qarşısına çıxarılıb.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

“Qarabağ” Yunanıstanda “Olimpiakos”u darmadağın etdi-VİDEO

2022-10-07

gun az article

Ermənistan Azərbaycanın ərazi bütövlüyünü tanıyıb

2022-10-07

gun az article

İranlı ərəb fəal işgəncə altında öldürülüb

2022-10-07

gun az article

İran Yazıçılar Mərkəzi: "Xalq etirazları İslam Respublikasına qarşı ictimai qəzəbin partlayışının nəticəsidir"

2022-10-07

gun az article

Ftansa iki vətəndaşının İran hökuməti tərəfindən məcburi etirafının yayımlanmasını həyasızlıq adlandırıb

2022-10-07

gun az article

“Anonimus” haker qrupu İran telekanallarının yayımını əngəlləyib

2022-10-07

gun az article

Amerikaİranın daha yeddi rəsmisinə sanksiya tətbiq edib

2022-10-07

gun az article

Praqada Azərbaycan, Aİ, Fransa və Ermənistan liderlərinin görüşü keçirilib

2022-10-06

gun az article

“Ümid edirəm ki, biz sülhə yavaş-yavaş yaxınlaşırıq” –İlham Əliyev

2022-10-06

gun az article

“Artıq bütün dünya açıq dərk edir ki, Qarabağ Azərbaycandır” –Prezident İlham Əliyev

2022-10-06

gun az article

Praqada “Avropa Siyasi Birliyi”nin Zirvə Toplantısı başlayıb

2022-10-06

gun az article

Türkiyə və Britaniya müdafiə nazirləri görüşüb

2022-10-06

gun az article

Macarıstan dövlət katibinin müavini: “Dünən Ağdamda müharibənin nəticələrini gördüm

2022-10-06

gun az article

Türkiyə İsrailə səfir təyin etdi

2022-10-06

gun az article

Human Rights Watch: "İranda etirazçılara qarşı zorakılığa son qoymaq üçün beynəlxalq təzyiqə ehtiyac var"

2022-10-06

gun az article

Azərbaycanda fəaliyyət göstərən 734 Qeyri-hökumət təşkilatları Edilli məzarlığı ilə bağlı bəyanat yayıb

2022-10-06

gun az article

Kərəcin Fərdis bölgəsində müəmmalı partlayış olub-VİDEO

2022-10-06

gun az article

İranda 8 məhkum edam edilib

2022-10-06

gun az article

Ermənilər işğal dövründə Azərbaycana 16 milyard manatdan çox ekoloji ziyan vurub

2022-10-06

gun az article

"İnternet məhdudiyyətlərinin aradan qaldırılmasına qərar vermək mənim ixtiyarımda deyil"-İranın rabitə naziri

2022-10-06