Zəlzələ bölgəsində soyuq hava şəraiti hökm sürür, əhali gecələməyə yer tapmır - Şərqi Azərbaycanda

19.11.2019, 11:55

GünAz TV: Noyabrın 8-də Şərqi Azərbaycanda baş verən zəlzələ bölgəsində təbii fəlakətdən zərərçəkənlər olduqca ağır vəziyyətdə yaşayır.

 

Bir neçə gündür soyuq hava şəraitinin hökm sürdüyü zəlzələ bölgəsinə dünən güclü qar yağıb. Bu vəziyyət çadırlarda gecələyən ailələr, xüsusi ilə uşaqlar üçün böyük problem yaradıb, bir çox insan ağır xəstələnib. Hətta güclü qar və şaxtalı hava səbəbindən bu gün zəlzələ bölgəsi ilə yanaşı Güney Azərbaycanın bir neçə əyalətinin müxtəlif məntəqələrində məktəblər üçün tətil elan olunub.

 

Zəlzələdən zərərçəkənlərin əksəriyyəti kənd əhalisi olduğundan onların əsas işi heyvandarlıqdan ibarət olub. Çox sayda ailənin dolanışığını təmin edən mal-qara soyuq hava şəraitindən tələf olur. Onları soyuqdan qorumaq üçün heç bir şərait yoxdur.

 

Sarab Şəhər İcra Hakimiyyətinin başçısı noyabrın 18-də verdiyi açıqlamada təbii fəlakət bölgəsində təcili olaraq 120 kaneksə (dəmirdən hazırlanan sığınacaq evlər) ehtiyac olduğunu bildirib. İrəc Səqəfi vurğulayıb ki, hal-hazırda dağıntıları təmizləmə əməliyyatından daha vacib məsələ insanları kanekslərə yerləşdirməkdir.

 

Şəhər İcra Hakimiyyəti başçısının sözlərindən məlum olub ki, bölgədə dağıntıların təmizləmə əməliyyatı da çox ləng gedir.

 

İrəc Səqəfi həmçinin vurğulayıb ki, çox sayda ailənin ev kiralamaq üçün kreditə ehtiyacı var. Təxminən 800 ailə 10 milyon tümən məbləğində kredit almaq üçün müraciət edib. Hələlik 100 nəfərə kredit verilib, lakin banklara bu insanların tələbini təmin etməklə bağlı tövsiyyələr verilib.

 

Bu arada Güney Azərbaycanın Əcəbşer şəhərinin əhalisi Miyana və Sarabın zəlzələ bölgəsinə yardım göndərib. Yardımlar əsasən qızınmaq vasitələri, mineral su, konserv və digər ərzaq məhsullarından ibarət olub.

 

Qeyd edək ki, 8 noyabrda Şərqi Azərbaycan Əyalətinin Miyana məntəqəsinin Tərk şəhəri ətrafında yerli vaxtla saat 02:17-də təxminən 6 bal gücündə zəlzələ baş verib. Hadisə nəticəsində Miyana və Sarab məntəqələrində bir çox kənddə evlər dağılıb. Çox sayda ölən və xəsarət alanlar olub. Lakin deyilənlərə görə, hökumət təbii fəlakətdə ölənlərin sayını gizlədir. Hazırda zəlzələ bölgəsində ağır vəziyyət hökm sürür, soyuq hava şəraiti vəziyyəti daha da ağırlaşdırıb. Bölgədə ərzaq məhsulları, qızınmaq vasitələri, tibbi ləvazimat və digər yardımlara təcili ehtiyac var. Dövlətin etdiyi yardım olduqca yetərsizdir, insanların zəruri ehtiyaclarını ödəmir. Zəlzələ bölgəsinə ən çox yardım göstərən yenə də Güney Azərbaycan əhalisidir.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Tikantəpədə tarixi abidə məhv olmaq üzrədir-FOTO

2022-07-02

gun az article

Ərdəbildə Babək qurultayı ilə bağlı aksiya keçirilib

2022-07-02

gun az article

Güneydə çəkilmiş türkçə "Dilmanc" filmi Amerikanın “Klermont” film festivalına qatılıb

2022-07-02

gun az article

Milli-mədəni fəal Abdullah Səduqi həbs cəzasına məhkum edilib

2022-07-02

gun az article

Həmədanda 60 heyvan və bitki növünün nəsli kəsilmək üzrədir

2022-07-02

gun az article

Şərqi Azərbaycanda 16 nəfər dəm qazından zəhərlənərək ölüb

2022-07-02

gun az article

“Körpü” proqramında müzakirə: “Güney Azərbaycan Milli Hərəkatı və məsələlər”-VİDEO

2022-07-02

gun az article

43 il həbsə məhkum edilən ərdəbilli məhbusun durumu ağırlaşıb

2022-07-02

gun az article

Bəzz qalasında milli mərasimlər keçirilir-VİDEO

2022-07-01

gun az article

Təbrizdə Urmu gölü ilə bağlı aksiya keçirilib

2022-07-01

gun az article

Şərqi Azərbaycanda iqlim dəyişikliyi-Yağıntılar 43 mm azalıb

2022-07-01

gun az article

Kəleybərə xüsusi təyinatlı qüvvələr yerləşdirilib

2022-07-01

gun az article

Ərdəbildə mühüm tikinti layihələri yarımçıq qalıb: Büdcə ayrılmır

2022-07-01

gun az article

Təbriz metrosunda yeni stansiyaların tikintisi yarımçıq qalıb

2022-07-01

gun az article

Güneyli idmançılar Cənubi Koreyada iki medal qazanıb

2022-07-01

gun az article

Həmədanda vacib layihə 18 ildir yarımçıq qalıb

2022-07-01

gun az article

Xalxalda narkomaniya geniş yayılıb

2022-07-01

gun az article

Şərqi Azərbaycan və Tatarıstan arasında əlaqələr genişlənir

2022-07-01

gun az article

Ərdəbilin yüzlərlə kəndində su çatışmazlığı var

2022-07-01

gun az article

Bəzz yürüşünə hazırlaşan milli fəallara təzyiq edilir

2022-07-01