Zəncan-Miyana yolunda baş verən avtomobil qəzasında ölən və xəsarət alanlar var

SON XƏBƏRLƏR

Zəncan-Miyana yolunda baş verən avtomobil qəzasında ölən və xəsarət alanlar var

2021.10.20, 07:36

Gunaz.tv

GünAz TV: Koronavirus epidemiyası ilə əlaqədar avtomobil yollarında hərəkətin intensivliyinin azalmasına baxmayaraq Güney Azərbaycan yolları can almaqda davam edir.

Şərqi Azərbaycan Tibbi Ekspertiza Mərkəzinin sözçüsü Vəhid Şadiniyanın mətbuata verdiyi məlumata görə, bu gün Təbriz vaxtı ilə saat 7 radələrində Zəncan-Miyana yolunda ağır yol qəzası baş verib. Minik avtomobili ilə avtobusun toqquşması ictimai nəqliyyat vasitəsinin yanmasına səbəb olub. Hadisə nəticəsində 1 nəfər ölüb, 10 nəfər isə müxtəlif dərəcəli bədən xəsarəti alıb.

Vəhid Şadiniya xəsarət alanların Miyananın İmam Xəstəxanasına çatdırıldığını bildirib.

Ölümlə nəticələnən daha bir yol qəzası dünən günortadan sonra Qərbi Azərbaycanın Poldəşt məntəqəsində baş verib. Məlumata görə, “Pejo 405” markalı minik avtomobili Daylankəndinin yaxınlığında yoldan çıxaraq aşıb. Qəzada xəsarət alan avtomobil sürücüsü Poldəştinn İmam Xəstəxanasına çatdırılsa da onun həyatını qurtarmaq mümkün olmayıb.

Güney Azərbaycan yollarında təxminən hər gün çoxsaylı insan tələfatı və kütləvi xəsarət alma ilə nəticələnən müxtəlif yol qəzaları baş verir. Ölkənin səlahiyyətli orqanları isə insan həyatına real təhlükə yaradan problemi müxtəlif səbəblərlə izah edir və bu barədə tədbir almaq yerinə, sadəcə xəbər yaymaqla kifayətlənirlər. Ekspertlər yolların qeyri-standart olması, avtomobillərin keyfiyyətsiz olması və insan amilini baş verən qəzaların əsas səbəbi kimi göstərir.

N.S