Zərifin yalanı üzə çıxdı. “Sepah”a yaxın saytlar: “İmam Xomeyni deyib ki, İsrail yer üzündən silinməlidir”

25.12.2018, 11:37

GünAzTV: İranın xarici işlər naziri Məhəmmədcavad Zərif, Fransanın həftəlik “Lopoen” qəzetinə müsahibəsində islam respublikasının İsraili məhv etmək niyyətində olmadığını bildirdiyinə görə, “Sepah”a bağlı saytlar, siyasi cərəyanlar və vəzifəli şəxslər tərəfindən kəskin qınanıb.

 

Zərifə qarşı etirazlar, onun “Lopoen” qəzetinin müxbirinə açıqlamasından iki gün sonraya təsadüf edib.

 

“Sepah”a bağlı “Fars” agentliyi dekabrın 24-də Zərifin İranın İsraili məhv etmək istəmədiyi ilə bağlı açıqlamasını tənqid edərək, İranın keçmiş dini lideri axund Ruhullah Xomeyninin İsraillə bağlı çıxışlarından ibarət bir video-çarx yayıb. Həmin video-çarxda, Xomeyninin hətta islam respublikasının qələbə çalmasından əvvəl, Fransada sürgündə yaşadığı vaxtlarda İsailin məhv olunmasının tərəfdarı olduğunu göstərir.

 

İran hakimiyyətindəki radikal mühafizəkarlar isə, öz saytlarında Xomeyninin və digər İran rəsmilərinin “İsrailə ölüm” şüarını əks etdirən və İran raketlərinin üzərində həmin şüarın yazıldığını göstərən video görüntülər yayıblar.

 

Həmçinin, radikal mövqeyi və görüşləri ilə tanınan İran Ali Mədəni İnqilab Şurasının üzvü Həsən Rəhimpur Əzqədi, dekabrın 24-də “Sepah”a yaxın “Tasnim” saytına açıqlamasında Zərifin İsraillə bağlı dediklərini pisləyərək təkzib edib: “Bu sözlərin hamısı yalandır və təhrif olunub. “İmam (Xomeyni) deyib ki, İsrail məhv olunmalı və yer üzündən silinməlidir”.

 

Ali Mədəni İnqilab Şurasının üzvü Həsən Rəhimpur Əzqədi

 

Xatırladaq ki, dekabrın 22-də Fransanın “Lopoen” qəzetinə müsahibə verən Zərif, ölkə rəsmilərinin son 40 il ərzində İsrailin məhvi ilə bağlı rəsmi tribunalardan açıq-aşkar səsləndirdikləri bəyanat və çağırışları təkzib edib.

 

Zərifin açıqlaması, Benyamin Netanyahunun ölkəsinin varlığı İran tərəfindən təhdid edilərsə, İrana hücum edəcəkləri və müəyyən hədəflərə hava zərbələri endirəcəkləri ilə bağlı səsləndirdiyi bəyanatından 11 gün sonraya təsadüf edib.

 

Zərif, Lopoen müxbirinin İran rəhbərlərinin “İsrail yer üzündən silinməlidir” şüarı ilə bağlı verdiyi sualı cavablandıraraq, bunları deyib: “Biz heç vaxt deməmişik ki, İsraili məhv etmək istəyirik. Bu cümləni vaxtilə ayətullah Xomeyni işlətmişdi. Bununla da o demək istəmişdi ki, əgər İsrail mövcud siyasətini davam etdirsə, onu belə bir tale gözləyir və o, sonunda yürütdüyü həmin siyasətinə görə öz-özünə məhv olub yer üzündən silinəcək. Lakin Xomeyni deməmişdi ki, İsraili məhv etmək niyyətindədir. Siz, bizlərdən bir nəfər tapıb göstərin ki, ağzından belə bir söz çıxmış olsun. Bizdən heç kəs belə bir söz deməyib”.

 

A.M

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Şərqi Azərbaycanda doğum sayı kəskin azalıb

2022-06-30

gun az article

"Azərbaycançılıq irançılığa, türkçülük farsçılığa qarşı mübarizə aparır"- Əhməd Obalı

2022-06-30

gun az article

Təbrizli atlet dünya çempionatına lisenziya qazanıb

2022-06-30

gun az article

Təbrizin qida sənayesi fabrikində güclü yanğın olub

2022-06-30

gun az article

"Görüş”də müzakirə: “Nüvə anlaşması Bərcam çıxılmaz vəziyyətdə” və “Terrorçu SEPAH-da nələr baş verir”-VİDEO

2022-06-30

gun az article

Quzey Azərbaycandan güneyli siyasi məhbuslara dəstək-FOTOLAR

2022-06-30

gun az article

Güneyli siyasi məhbus Rza Şəhabinin həyatı təhlükədədir

2022-06-30

gun az article

"Babək qalasında etnik mərasimlərin qarşısı alınmalıdır"-Kəleybər prokuroru

2022-06-29

gun az article

Urmu və Ocanda Babək qalasına yürüşlə bağlı çağırışlar edilib

2022-06-29

gun az article

Beynəlxalq Əfv Təşkilatı güneyli məhbusla bağlı bəyanat yaydı

2022-06-29

gun az article

"Qonşu ölkələr bizim tərəfdən dostluq mövqeyi hiss etmirlər"- Təbrizli deputatdan Xameneyinin müşavirinə cavab

2022-06-29

gun az article

Təbrizdə etiraz: Əhali Tehran yolunu bağladı

2022-06-29

gun az article

Ərdəbildə Krım-Konqo qızdırması yayılıb

2022-06-29

gun az article

Sulduzda Babək qalasına yürüşlə bağlı afişalar yayılıb-FOTO

2022-06-29

gun az article

“Özümüz” proqramında müzakirə: “Çaldıran savaşından öncə Səfəvi və Osmanlı ilişkiləri”-VİDEO

2022-06-29

gun az article

Təbrizdə su çatışmazlığı böhran həddinə çata bilər

2022-06-29

gun az article

Urmu gölünün bərpası məqsədilə imzatoplama kampaniyası başlayıb

2022-06-29

gun az article

Ərdəbildə Babək qalasına yürüşlə bağlı afışalar yayılıb

2022-06-29

gun az article

Kəleybərdə milli fəal həbs edilib

2022-06-29

gun az article

Qərbi Azərbaycanda 2 tondan çox narkotik maddə müsadirə edilib

2022-06-28