فردی استعدادا مالیک اولماسینا باخمایاراق وار گوجویله، اؤز میللتینه خیانت ائتدی.

ایز ایتیرمه ک اوچون ، آرا_سیرا تورک ادبیاتی تاریخیندن اونون شخصییت لریندن یازیب اونلاری تعریف ائدردی.

آزربایجان دیل وادبیاتینی منیمسه ییب اؤزونه مخصوص طرزده بعضه ن گؤزل شئعرلر دیکلمه ائدردی.

اوستاد شهریارلا یاخینلیق ائدیب، اونا عایید بوتون ال یازمالارینی توپلاییب ،پان ایرانیست لرین ایسته یینه و ماراغینا اویغون چاپ ائتدیره ردی.

صؤحبت اصغر فردی دن گئدیر کی نئچه گون اؤنجه اؤلوم خبری یاییلدی.

بیزیم کولتورده اؤلولرین علیه ینه دانیشیب یادا یازمازلار، آمما بو ایستیثنا اؤلولردندیر، اونا گؤره کی وطنیمیزین هم او تایینا همده بو تایینا خیانت ائتدی .

او نه حیزبوللاهی ایدی نه ده ایسلام دینی نی قبول ائدن بیر شخص ،او اصلینده بیر کومونیست دوشونجه یه مالیک بیریسیدی.

توده پارتیاسینین عضولریندن ،سادجه ماللالار حاکیمییته گلدیکدن سونرا ساواک مامورلاریندان توتموش تا بئله توده ای لره قدر خفییه اورقانلارینا جلب ائتدیلر ، اصغر فردی ده اونلاردان بیریدی.

باکی شهرینده یاشادیغیم دؤورده بیر گون بختیار وهاب زاده نین ائوینده اولوب گونئی آزربایجان باره سینده صحبت ائدیردیک ،بیردن عصبی بیر توندا مندن سوردو کی، اصغر فردینی تانیرسان؟

دئدیم اؤزل تانیشلیغیم یوخدو آمما ائشیتمیشم استعدادلی بیر آدامدی ،ادبیات لا مشغولدور و…

بختیار وهاب زاده دئدی کی ،او میلت خائینی دیر، ایران جاسوسودور ،او گلدی ائله باخ بو ائوده مندن موصاحیبه ائله دی و تام ترسینه ایران مطبوعاتیندا درج ائتدیردی ، ذرره قدر شوبهه م یوخدور کی ، اونو ایران مقصد یؤنلو بو ایشلره جلب ائدیب، دئدی. روس دیلینده عنوانینا بیر سؤیوشده وئردی.

بئله فاکتلاردان چوخ یازماق اولار سادجه زامانیزی آلماق ایسته میرم.

اصغر فردی اوستاد شهریار باره سینده، سی دی حاضیرلامیشدی، ائله اوردان دا سسی منه تانیش ایدی.

بیرگون پالتالک اوتاقلارینین بیرینده بونون آدینی گؤردوم سونرا میکروفون آلیب دانیشاندا یوز فاییز امین اولدوم کی ، بو اؤزودو.

اونون او سی دی لری منی چوخ ائتکی له میشدی و پی ام یازاراق خواهیش ائتدیم کی ، او سی دی نین بیرینده منه گؤندرسین.

منه جواب یازدی کی ،هه من سیزی تانیرام بوتؤو آزربایجان بیرلییینده (BAB) فعالسیز ، ائو آدرئسینیزی یازین باکیداکی دوستلارا دئییم گؤندرسینلر.

من ده صمیمیت له ائو آدرئسیمی یازدیم.

سونرا او منه گولومسه مک ایشاره سی گؤندریب یازدی کی ، بو قدرده ساده اولما ،هر آداما ائوینین آدرئسین گؤندرمه، هله سیزلر چوخ اوشاقسیز.

بونا چوخ مایوس اولدوم و اونون ادبیات ساحه سینده کی استعدادی ایله بو یاناشماسینی توتوشدوردوقدا یوز فاییز امین اولدوم کی ، بختیار وهاب زاده تام دوغرو بیر قناعته گلیب کی، بو بیر مأموردور.

رحمتلیک حیدر علی اف دؤنمینه قدر اونون آزربایجانا گلمه سینه یاساق قویولموشدو و امینم کی ، بو ایشده بختیار وهاب زاده نین ده رولو اولوب .

چونکو اصغر فردی همده تالیش زونالارینا چوخ گل_گئت ائدیرمیش و سوندا قوندارما تالیش_موغان رئسپوبلیکاسی پیلانینین آرخاسیندا دا او دایانیرمیش، یعنی ایران.

خائین همیشه خائین دیر دیریسی ده اؤلوسوده.

سوندا دا بونودا علاوه ائدیم کی ، اصغر فردی نارکومان ایدی و اؤلومونونده سببی صیرف یوکسک دوزادا نارکوتیک مادده قبول ائتمه سی اولوب. ایندی من بیلمیرم بئله لرینه رحمت دوشور یوخسا لعنت؟