گوناز تی وی:تبریزلی علی: اوزگه لری بیزه تورک دئمک دن چکینمیرلر، ولی اوزوموزون کیلر جین بیسم اللاه دان قورخان کیمی اوشه نیللر چونکی یا اوزلرینه اعتماد نفسی لری یوخدو، و یا باشقا یئرلردن دستور و یا دیکته بئله دیر. تبریزلی علی (1929-1998) ایراندا تورکون وارلیغینی یوخ سایان ، اونو اشاغیلییان پان ایرانیزمه و ایریقچیلییه قارشی سبستیملی موباریزه آپارمیش بویوک شخصییتلرین ایچینده تبریزلی علی (1929'تبریز1998'تهران) اوزل یئریله سئچیلیر.گورکملی فیکیر و عمل ادامی اولان علی تبریزلی گونئی آزربایجاندا میللی دیرنیش حرکاتینین سیمبوللاریندان بیری اولموشدور.اوزللیکله اونون "ادبیات و میللییت"کیتابی مورتجع-ایریقچی سوچ لامالارا گونئی تورکولویونون ایلک عمومی لشدیریجی جاوابی دیر. ایلک تشبوث اولماسینا باخمایاراق همین کیتاب بو گون ده گونئی ده تورک میللتچیلی لینین موحتشم ابیده سی ساییلماق دادیر.

تبریزلی علی نین حایاتیندان: او 1929 جی ایلین ایون ایینین 25-ده تبریزین مونججیم محله سینده آنادان اولوب. ایبتیداعی و اورتا تحصیلینی تبریزده الیب.1945- جی ایلده اونا میللی حوکومت دونمینده اونا انا دیلینده تحصیل الماق قیسمت اولور.اون بئش یاشیندا اولارکن عایله سیله بیرگه تئهرانا کوچور.تئهراندا اوزونو غریب حیسس علی مئلینی کیتابلارا سالیر بویوک سعی و هوسله موطالیعه ائدیر.آنا دیلینه اولان بویوک سئوگیسی اونو بو دیلده یازیب یاراتماغا روحلاندیریر، ایلک سئوداسینی شعرله عکس ائتدیریر.آرادان چوخ کئچمه میش "تبریزلی علی غزللری" کیتابی نشر ائدیلیر.

گنج ایکن چئشیدلی ایشلرله مشغول اولور و نهایت "آتروپات"یایین ائوینی آچیر.آیری-آیری دوورلرده ادبی درنک لر ادی آلتیندا میللی مسئله لری موذاکیره ائدن و میللی ایشلرله مشغول اولان سیاسی و مدنی گوروپلار یارادیر. دفه لرله پهلوی رژیمینین زیندانلار یندا دوستاق اولور. شاه رژیمینین بوتون تضییق لرینه باخمایاراق تورک فولکلور نومایندلرینی توپلاماغا باشلاییر."کرم ایله اصلی"داستانینی خالقیدان اغیزلاردان توپلاییب یازییا کوچورکن نشر ائدیر. داها سونرا شاه ایسماعیلین حایاتی و شعریلرینی احاطه ائدن ایکی جیلدیلیک "شاه ایسماعیل"کیتابینی یایینلاییر.

1955-جی ایلدن سونرا شاعیر حسن مجیدزاده ساوالانلا بیرلیکده چالیشماغا باشلاییر. بو ایش بیرلیینین گوزل نتیجه سی اولاراق دورد ایلدن سونرا "علی اغا واحدین کلییاتی"عرصه یه گلیر. داها سونرا ایسه آزربایجان نغمه لری و بایاتیلاری"(ایکی جیلدیده)"کوراوغلو"داستانی ایشیق اوزو گورور. ساوالانیله بیرلیکده "آذربایجان کلاسیک ادبییاتیندان شاعیر مجموعه سی",/"فضولی دیوانی"سالمان مومتازین شعرلری ، آزربایجان تورکجه سی'عزیز نسی نین بیر نئچه حیکایه سی و داها بیر نیچه باشقا کیتابلاری حاضیرلایاراق نشر ائدیر.

تبریزلی علی ناشیر اولماق لا یاناشی همده اوزونو بیر شاعیر'آراشدیریجی ، پوبلوسیست کیمی تانیددیریر.ان اونملیسی ایسه، او، میللی حرکتین هم گورکملی نومایندسی، همده ایدیولوگ دور.اونو گونئی ده تورکچو لویون بانی سی کیمی تانیدیران اساس اثری "ادبییات و میللییت " دیر. آردی وار

گوناز تی وی

H.K