دوُنیا قادین لارین تبریک ائدیریک

بوگوُن 8 مارس دوُنیا دا قادین لارین حاقلاری نین رسمییته تانینماسی و اوُزگورلوکلری گوُنو و بایرامی اوُدوقو مناسیبتی ایله بوُتون دوُنیا قادین لارینا صمیمییت له و اوُره کدن تبریک دئیب و دوُنیا اوُلکه لرینده یاشییان بوُتون زحمتکش قادینلارا هابئله وطنیمیز گُونئی آذربایجاندا گئریجی ، فاشیست موُللا رژیمی نین اسارتینده ، تحقیراوُلونموش و ظولم لره معروض قالمیش آنالاریمیزا باجی لاریمیزا تبریک دئیریک .

دوُنیا میللت لرینین تاریخینده باش وئرن اوُنئملی کوتله وی حرکت لردن بیری ده 1857 ینجی ایلده آمئرکانین نیویورک شئهرینده توخوجولوق فرمالاریندا ( کارخانا لاریندا) چوُخ چئتین شرایط ده ایشله مشغول اوُلان قادینلارین کاپیتالیسم سوُمورگه چیلیگی نین           " ایستثمارینین" ظوُلمونه قارشی  زحمتکش ایشچی قادین لارین قهرمان جاسینا اعتراض لاری و قیام لاری  اوُلموشدور . اوُ قیام سرمایه صاحیب لری نین بوُیوروقو و پلیس هجومو وسیله سی ایله قانا چئکیلیب باسدیریلسادا ، آنجاق سوُنراکی ایللرده باش وئرن ایشچی قادین و کیشی لرین بیرگه و آردیجیل اعتراض لارینا و قیاملارینا یوُل آچدی . ائله کی 1907 ینجی ایلین 8 مارس آیندا بیرداها آمئریکا دا ایشچی قادین لار بوُیوک اعتراض لارا أل آتدیلار، ونهایت 1908 ینجی ایلده آمئریکا سوسیالیست پارتیاسی ضرورت اوُزریندن قادین لار کمیته سین یارادماقلا و قادینلارین سئچگی لرده ایشتراک ائدیب ، سئچیب ـ سئچیلمئک حاقلارین رسمییته تانینماغینا  ، هابئله  کیچیک یاشلی اوُشاغلارین مدرسه یئرینه فرمالاردا آز پول آلیب ،  ظالیم جئسینه چئتین ایشلرده چالیشیب ، ایستثمار اوُلمالارین یاساقلادیلار.

آردینجا 1910 ینجی ایلده اینترناسیونال سوسیالیست لری نین کنگره سی دانمارکانین کپنهاگ شئهرینده تشکیل تاپدی و " کلارا زتگین ـ clara zetkin  " آدلی قادین آلمان سوسیال دموکرات پارتیسی طرفیندن 8 مارس گوُنون قادینلارین ظولمه ، آیری سئچگی لیگه قارشی مجادیله لرین دوُنیا دوُولت لری طرفیندن رسمییته تانینماسین جیددیت له طلب اتدی ، بونا گوره ده 1911 ینجی ایلده آلماندا ، سویس ده ، دانمارکدا ، استرالیادا بوُیوک تظاهرات لار کئچیریلدی و داها سوُنرالار قادینلارین جور به جور حاق سیزلیق لارا قارشی مجادیله لری داوام ائدرکن ، خصوصی ایله بیر ینجی ـ ایکینجی دوُنیا محاربه لری دوُورونده قادین شخصییتی بوُیوک اهمییت قازاندی و قادینلار بیرچوخ طبیعی ، اینسانی حاقلارین اوُزمبارزه لری سایه سینده ألده ائده بیلدیلر . سوُنرالار 1975 ینجی ایلده بیرلئشمیش میللت لرتشکیلاتی طرفیندن 8 مارس دوُنیا قادینلارینین آزادلیق گوُنو اوُلاراق رسمییت قازاندی و 1977 ینجی ایلده 8 مارس یونسکو طرفیندن قادینلار گُونو و بایرامی اوُلاراق رسمییت قازاندی و دوُنیا دوُولت لری بو طبیعی حاققی رسمییته تانیماقا مجبور اوُلدولار .  آنجاق دوُنیا قادینلاری نین اینسانی حاق و برابر حقوق لاری هئله دمکراسی دوُنیادا تانینمادان چوُخ قاباق ایللرده ، یعنی 20 ینجی عصرین أووللریندن بوُلونموش وطنیمیزآذربایجانین هئر ایکی تاییندا آذربایجان قادینلاری کیشی لرله بیرلیکده بوُیوک سیاسی ، ایجتماعی ، اینقلابی و ادبی فعالییت لرده  تام شجاعتله  ایشتراک ائدیب  بوُیوک قهرمانلیقلار گوُسترمئکله آزادلیق یولوندا شهید اوُلموشلار . مشروطه اینقلابیندان باشلییاراق (1285 ش ـ 1906 م) و( 1324 ش 1945 م ) ینجی ایللرده میللی حاکیمییت دوُورونده و آردیجیل اوُلاراق سوُنراکی گرگینلی ایللرده شوینیست پهلوی رژیمینین سرت دیکتاتورلوقو ایللرینده  و هابئله " بهمن اینقلابی " آدلانان پروسئس لرده اوُن مینلرله شرفلی ، غیرتلی قیزلار ، قادینلار آزادلیق یولوندا جانلارین قوربان وئرمیشلر. اوُ اوزون ایللرده پهلوی راسیسمینه قارشی مبارزه ائدیب شهید اوُلان قادین لارین سایی آز دئییر ، خصوصی ایله میللی حاکیمییت قان گوُلونده بوغولان زامان و اوُندان سونرا ، 34 ایللیک پروسئسده بو گوُنه قدر ایسلام فاشیسمی نین زیندانلاریندا اشکنجه اوُلونوب ، موللا لارین پاسدارلارین وسیله سی ایله وحشی جئسینه تجاوزلارا معروض قالان گوُناسیز قیزلار قادینلارین سایی آز دئییرلر!  

آذربایجان قادینلاری یوُز ایلدن آرتیق  بو گوُنه قدر وطنیمیزین آزادلیقی ، قورتولوشو و میللی ایستقلالی یولوندا کیشی لرله بیرلیکده چیین چیینه بوُتون ساحه لرده مجادیله ائدیب و ائدیرلر، بیز بو یوُلدا شهید اوُلموش شرفلی ، غیرتلی و میللی شعورلو  باجی لاریمیزین آنالاریمیزین قارشی سیندا باش ائیریک ، آذربایجان قادینی هئر زاماندا اوُلدوقو کیمی اوُز قاباقجیل لیغین و دوُشمانا قارشی قورخمازلیغین ، شجاعتین اثبات اتمیشدیر و بوندان سوُنرادا میللتیمیزین فارس ایسلام فاشیسمینه قارشی مقدس ساواشیندا اوُز بوُیوک لیاقتین گوُستریب نقشین ایفاء ائده جئکدیرو بیز بونا اینانیریق .

بیزگونئی آذربایجان سوسیال دموکرات پارتیسی اوُلاراق 8 مارس بایرامین آذربایجان قادینلاری ایله بیرلیکده بوُتون دونیا قادینلارینا تبریک دئیب و اوُنلارا جان ساغلیغی ایله بیرلیکده بوتوُن ساحه لرده باجاریلار و بوُیوک  مووفقییت لر آرزو ائدیریک .

 مقدس بایرامی نیز کوتلو اوُلسون .  گونئی آذربایجان سوسیال دموکرات پارتیسی . 

 D/O