میللی تشکیلات و شخصییتلره اویاری

سون آیلاردا ایرانچی فارس ایرقچیلاری( نژادپرستلری) دونیانین چئشیدلی اولکه لرینده توپلانتی لار کئچیریب ،  حتا اوز کئچمیش موخالیق لری اولان ، سولجوسو ، ساغچی سی، موجاهیدی، جبهه میللی چیسی ، ائله جه ده موجود رئژیمین بللی قانادلاری ایله دیل تاپماغا ، بیر نئچه نقطه اوستونده  موافقته گئلیب ، سوزده میللی بیرلیک یاراتماق ایسته ییرلر. بو جنابلارین آنا ایسته یی ایران آدلانان میللتلر دوسداغی ندا ایندیلیک یاشاماق زوروندا اولان میللتلری اسارتده ساخلاماق، ایران آدلانان یئرین بوکونگو سرحدلرینی قوروماق، فارس ایرقیجیلاری نین آغالیعینی ده وام ائتدیرمک، فارس  دیلینی بو میللتلره تحمیل ائتدیرمکدیر. ائله جه ده بو اسیر ، مستملکه ده اولان میللتلرین ایچینده گئده ن میللی حرکتلری ضعیف لشدیریب ، یوخ ائتمکدیر. بونا گوره ده اوز میللتینه دال چئویرمیش ، آسمیله اولموش ( فارسلاشمیش، فارس ذئهنییتینی قازانمیش) آد ـ عنوان دوشگونو اولان شخصیلری بئله ییغینجاقلارا چاغیریب، اونلارین قولتوقلارینا قارپیز  وئره ره ک  ، اونلاری اوز میللتلری نین  قارشی سیندا قویماغا چالیشیرلار. تاسوفله  کوکو  آذربایجانلی اولانلاردا بئله ییغینجاقلاردا ایشتیراک ائدیرلر. آذربایجان میللی حرکتینه دالیدان خنجر وورورلار. چوخ تاسوفله فارس قوللوقچولوغونو ، اوز میللتلرینه خیدمتده ن اوستون ساییلار.

ایرانچی فارس ایرقیچیلاری صاباح اوچون حاضیرلیق ایشلری آپاریرلار. ایسته ر موجود رئژیمی ساخلایبب ظاهیره  رنگینی ده ییشیب، اونا گویا دئموکراتیک بیر کوینک گئیدیرمک، یاخود سوزده ایسلام جیمهوریسی نین یئرینه هر هانسی بیر حاکمییتین گتیریلمه سینه  اوزلرینی آماده ائدیرلر.

بئله بیر حساس  دورومدا  میللی دوشونن ، آذربایجانین گله جه یی نین قئیدینه قالان ، ایستیقلالییتینی ایسته ین میللی قوروملار و شخصییتلر نه ائدیرلر؟ صاباح اوچون هانسی حاضیرلیق ایشلرینی آپاریرلار؟ یوخسا هر کس اوزونه بیر توکان آچیب، وطنی ، گله جه یینی اونودوب اوز قوتورلارینی می قاشییرلار؟!! اومید ائدیریک بئله اولماسین....

واحید مستقیل آذربایجان جبهه سی  ایلک قورولدوغو. گونده ن بیرلی یین طرفداری اولوب، موختلیف دوورولرده  بو حاقدا لازیمی آدیملاری آتمیشدیر. بوگونده  بونا اینانیرکی ،اوزونو میللی بیله ن ، آذربایجانین ایستیقلالییتینی ، خوشبخت گله جه یینی ایسته ین هرکس ، هر قوروم سلیقه فرقلیکلرینی نظره آلمادان  بیر نئچه اساسی نقطه ده  راضیلیغا گلمه لی «میللی وحدته»، « میللی بیرلی یه» ، « میللی امکداشلیغا» گئدیلمه لی ، سف لریمیزی سیخیشدیرمالی، حاضیرلیق ایشلری آپارمالی، مستعمره چی فارس ایرقیچیلارینا قارشی  موباریزه میزی گوجلندیرمه لی ییک . صاباحا تداروک ایشلری گورمه لی ییک . دوشمنلریمیزین بو اویونلارینی ، نقشه لرینی ، واقعییتلری  بوتون ایمکانلاردان یارارلاناراق میللتیمیزه آچیقلامالی ییق. عکسی تقدیرده  ایستیقلالچی میللی تشکیلاتلاریمیزلا یاناشی یئنه اوتوزان میللتیمیز اولاجاقدیر. یئنه اسارت بویوندوروغوندا قالاجاقدیر. قاباقدان گه لن بو تهلوکه نی حیس ائده ره ک  تاریخی مسئولییتیمیزی دوشونمه لی ییک.

 واحید مستقیل آذربایجان جبهه سی ، عالی شوراسی

30 مئهر1391 (21 .10 .2012 )