اردوغانلا پوتین سوريه‌ده وضعيتي موذاکيره ائدير 

گوناذ تی‌وی: سوريه پرئزيدئنتي بشار اسدين طالعي ايله باغلي ديپلوماتيک موذاکيره‌لر داوام ائتديگي زامان تورکيه‌نين باش ناظيري روسيه‌يه سفر ائدير. سوريه‌ده بؤهران باش ناظير رجب طيب اردوغانين موسکوادا کئچيره‌جگي موذاکيره‌لرين ديقت مرکزينده اولاجاق.جناب اردوغان سوريه‌ده کئچميش موتفيقينه آرخاسيني چئويره‌رک، جناب اسدين حاکيميتدن گئتمه‌سينه چاغيريب.

لاکين روسيه پرئزيدئنتي ولاديمير پوتين سوريه حؤکومتيني بیرلشمیش میللت‌لر تشکیلاتی‌نين داها جيدي تحریملريندان قوروماغا داوام ائدير. ايستانبولدا يئرلشن ائدام آراشديرما مرکزينده تحليلچي سينان اولگئن دئيير کي، باش ناظير اردوغان قارشييا ايلک نؤوبه‌ده روسيه‌نين مؤوقئعييني هر طرفلي دَيَرلنديرمک و موکسووانين هانسي شراييطده مؤوقئعيي‌ني دَييشه بيلمه‌سيني آنلاماق کيمي بير مقصد قويوب. اونون سؤزلرينه گؤره، بوندان سونرا او، تورکيه‌نين روسيه‌نين سوريه ايله باغلي مؤوقئعيينه تاثير گؤستره بيليب-بيلمه‌يه‌جه‌یيني موعين ائتمه‌يه چاليشاجاق. تورکيه‌نين ميليت قزئتينده ديپلوماتيک مسله‌لري تحليل ائدن ژورناليست-يازار سئميه ايديزين فيکرينجه، اساسلي دَييشيکلييه اوميد چوخ آزدير، لاکين سفر اؤزو-اؤزلویونده اهميت داشييير. او دئيير کي، تکجه سوريه دئييل، ياخين شرق مسله‌لرينده موسکوا ايله ايکي‌طرفلي موناسيبتلرين اهميتي نظره آلينديقدان بو سفر تورکيه-روسيه موناسيبتلرينه موثبت بير حرکت وئرميش اولاجاق. موسکوا و آنکارا تاريخن بير-بيرينه رقيب موناسيبت بسله‌ييب.

لاکين سون 20 ايلده تيجارت و انرژي سياستي ساحه‌لرينده امکداشليق ايکي اؤلکه آراسيندا موناسيبتلرين ياخينلاشماسينا گتيريب چيخاريب. تورکيه‌نين خاريجي ايشلر ناظيرليگي‌نين سؤزچوسو سلجوق اونال دئيير کي، سوريه مسله‌سينده فيکير آيريليغي موناسيبتلره تاثير گؤسترمه‌يه‌جک. يازار سئميه ايديزين فيکرينجه، روسيه و تورکيه آراسيندا ياخين موناسيبتلرين اساسيندا ايکي اؤلکه ليدئرينين بير-بيرينه موناسيبتي باشليجا يئر توتور. او، ايکي ليدئر آراسيندا اوخشار جهتلره توخوناراق، اونلارين هر ايکيسينده آوتوريتار تئندئنسييالارين اولدوغونو قئيد ائدير. "اونلارين هر ايکيسي يومروغونو ایستولا وورور. فيکريمجه، بو، اونلارين خاراکتئرينين گؤستريجيسيدير، ايکي ليدئر آراسيندا قارشيليقلي آنلاشما وار"-دئيه سئميه ايديز سؤيله‌يير. لاکين او عئيني زاماندا جنوبي قافقاز رئگيونوندا، ائرمنيستان و آذربايجانا موناسيبتده ايکي ليدئر آراسيندا فيکير آيريليقلارينين اولدوغونو دا گؤسترير.

"تورکيه و روسيه رئگيوندا ثابيتلييه نايل اولماق اوچون بورادا رول اويناماليدير. چونکي روسيه ائرمنيستاني دستکله‌يير، آذربايجان ايسه تورکيه‌يه باخير. بونا گؤره ده روسيه و تورکيه ائله بير مؤوقئعده‌دير کي، حاديثه لر نظارتدن چيخسا، طرفلري ساکيت‌لشديره بيلرلر. منه ائله گلير کي، آنکارا و موسکوا وضعيتين نظارتدن چيخماماسي اوچون اللريندن گله‌ني ائدير"-دئيه سئميه ايديز بيلديرير. بو هفته روسيه پرئزيدئنت اسده قارشي سانکسيالاري دستکله‌مه‌يه‌جه‌یيني آچيق بيان ائده‌رک، اونون حاکيميتدن گئتمه‌سي شرطي قويولدوغو موذاکيره‌لرين کئچيريلمه‌سينه راضي اولماياجاغيني بيلديردي. بونا گؤره ده سياسي تحليلچي‌لر جناب اردوغانين موسکوايا سفرينين روسيه‌نين سوريه حؤکومتينه دسته‌یي‌نين ضعيفله‌مه‌سينه سبب اولماياجاغيني دوشونور. لاکين گؤروندويو کيمي طرفلر سوريه مسله‌سينين اونلار آراسيندا گئتديکجه داها دا ياخينلاشماقدا اولان موناسيبتلره تاثير گؤسترمه‌سينه ايمکان وئرمه‌مک عزمينده‌دير. 

م.ر