گونئی آذربایجان میللی آزادلیق جبهه سینین  ایراندا کئچیریله‌جک 9-جو پارلامئنت سئچکی‌لریله باغلی بیاناتی

 2012-جی ایل مارتین 2-ده ایران آدلانان اؤلکه‌ده کئچیریله‌جک 9-جو پارلامئنت سئچکی‌لرینده نؤوبتی دفعه رئژیم اؤز الآلتی‌لارینی سیاسی اویونبازلیقلا پارلامئنت کورسولرینه اوتوزدورا‌جاق. یوخاری‌دان دیکته اولونان و دئموکراتیک دیرلری عکس ائتدیرمه‌ین بو سئچکی نؤوبتی دفعه فارس راسیست موللا حاکمیتی‌نین اؤزونه مشروعیت قازان‌دیرماق مقصدی داشیییر. ائله بو سبب‌دن رئژیم بوتون مومکون سی‌لرینی بیرلش‌دیرمکله اهالینی ساندیق باشینا چکمک جهدلرینی داوام ائتدیریر. داخی‌لی و خاریجی بحران‌لی عامل‌لرین مؤوجود اولدوغو ایندیکی شرایطده 9-جو پارلامئنت سئچکی‌لری‌نین باش توتوب-توتمایاجاغی موللا حاکمیتینی تشویش ایچینده ساخلاییب.

 فارس راسیست موللا هاکیمیتی‌نین استراتئگیاسینا اساساً اؤلکه‌نین سیاسی کورسو و ایداره‌چی‌لیک سیستئمی ویلایتی-فقیهه تابع اولان هربی–یدئولوژی رادیکال قوه‌لرین علینده جملشیدیگین‌دن، جمعیتین سیاسی، اقتصادی، اجتماعی و مدنی حیاتیندا بحران‌لار یاشانیر. بو سبب‌دن‌دیر کی، اورادا یاشایان میلیون‌لارلا قئیری-فارس میللتی‌نین ان ایبتیدای حاق‌لاری اینکار ائدیلیر، بو هاقسیزلیغا اعتراض ائدن  ضیا‌لی و سیاسی‌لر توتوق‌لانا‌راق زین‌دان‌لارا آتیلیر، متبواتا قارشی تضییق‌لر کسکینلشیر، مامور اؤزباشینا‌لیغی، یوخسوللوق، ایشسیزلیک دورما‌دان آرتیر. هم‌چی‌نین، سئچکی‌لر حاکمیتی یؤنل‌دن قوه‌لر طرفین‌دن ایداره اولوندوغون‌دان آپاریلان سئچکی اویونو آزاد و دئموکراتیک سئچکی ایله موقاییسه اولونا بیلمز. ایران آدلانان اؤلکه‌ده اینسان‌لارین آزاد سئچیم حقوق‌لارینین پوزولماسی و مهدودلاشدیریلماسی، سئچیجی‌لرین سایینی صنعی صورتده آرتیرماقلا سئچکی‌نین نتیجه‌لری‌نین ساختالاشدیریلماسی، قادین‌لارین سئچکی‌لرده ایشتیراکینین مهدودلاشدیریلماسی، سؤز، متبوعات آزادلیق‌لارینین اولماماسی، بوتون ساحه‌لرده اؤزونو گؤسترن ایرقی آیریسئچکی‌لیک، اقتصادی و سیاسی بحران و س. اساس وئریر کی، اورادا یاشایان قئیری-فارس میللت‌لر ، او جمله‌دن اکثریتی تشکیل ائدن آذربایجان تورک‌لری فارس راسیست رئژیمی‌نین تاپشیریق‌لی سئچکی اویون‌لارینا بیرمنا‌لی شکیلده اعتراض ائتسین‌لر.

خصوصیله، 30 میلیون‌دان چوخ آذربایجان تورکونو میللت اولا‌راق اینکار و آسسیمیلیاسییا ائدن ایرق‌چی رئژیمین سیاستی نتیجه‌سینده گونئی آذربایجان اراضی‌لرین‌دکی مونبیت تورپاق ساحه‌لری‌نین محو ائدیلمه‌سی، اورمو گؤلونو مقصدیؤن‌لو قوروتماقلا آذربایجان‌لی‌لارین ازه‌لی تورپاق‌لارین‌دان  دیدرگین سالینماسی، گونئی آزربایجانین یئرالتی و یئروستو میللی سروت‌لری‌نین تالان ائدیلمه‌سی، اونلاردان الده اولونان گلیرلرله فارس بؤلگه‌لری‌نین آبادلاشدیریلماسی، آذربایجان بؤلگه‌لرینی اقتصادی جهت‌دن یارا‌سیز حالا سالماقلا اها‌لی‌نین اؤز یوردلارینی ترک ائتمه‌یه مجبور ائدیلمه‌سی و بو کیمی سبب‌لر اساس وئریر کی، آذربایجان تورک‌لری میللی ایراده‌لرینی کوتلوی شکیلده اورتایا قویا‌راق رئژیمین سئچکی اویونونا “یوخ!” دئسین‌لر.     

 گونئی آذربایجان میللی آزادلیق جبهه‌سی (گاماج) آذربایجان میللی حرکاتینین ایران آدلانان اؤلکه‌ده باش وئرن اجتماعی-سیاسی پروسئس‌لرده بؤیوک تأثیر گوجونه صاحب اولدوغونا  اساس‌لانا‌راق، ساختا سئچکی سیاستی‌نین ایفشا اولونماسی اوچون اورادا کئچیریله‌جک 9-جو پارلامئنت سئچکی‌لری‌نین (آزربایجانین قرب بؤلگه‌سی استثنا اولماقلا) بایکوت ائدیلمه‌سینی بیان ائدیر. آزربایجانین قرب بؤلگه‌سینده آذربایجان‌لی‌لارین سسوئرمه‌ده ایشتیراکینی ایسه گاماج اولا‌راق دستکلییریک و بیل‌دیریریک کی، کورد تئررورچو تشکیلات‌لارینین همین بؤلگه اوزره پارلامئنته کورد اصیل‌لی نماینده‌لر گؤندرمک و آزربایجانین ازه‌لی تورپاق‌لارینا گؤزتیکمه جهدلری‌نین قارشی‌سی میللتیمیز طرفین‌دن آلینا‌جاق‌دیر.

 گونئی آذربایجان میللی آزادلیق جبهه‌سی                                                  12.02.2012