پخش هزاران سی دی در تبریز، مردم تبریز برای یک راهپیمایی بزرگ اعتراضی ساکت با ماسک آماده می شود

فعالین حرکت ملی آذربایجان و طرفداران تیم محبوب تراختور آذربایجان در تبریز ساعاتی قبل اقدام به پخش گسترده سی دی جهت «راهپیمایی ساکت» در روز 25 اردیبهشت در سطح شهر کردند.

فعالین در این سی دی از مردم آذربایجان بخصوص طرفداران پرشور تیم محبوب و مظلوم تراختور جهت اعتراض آرام با زدن ماسک بر دهان به دستگیریهای مدافعان دریاچه اورمیه در روز 13 اردیبهشت، حمایت از زندانیان ملی و مدنی آذربایجان و محکومیت فدراسیون فوتبال به جهت اجهاف حقوق تیمهای تراختور آذربایجان و گسترش فولاد تبریز و ... دعوت بعمل آوردند.

شرکت کنندگان در روز 25 اردیبهشت بعداز بازی تراختور و سایپای البرز با زدن ماسک بر دهان بصورت کاملا مدنی و آرام و به دور از هرگونه شعار و غیره از استادیوم سهند به طرف میدان ساعت راهپیمایی خواهند کرد.

 فایل ویدئویی را می توانید از لینک زیر دریافت نمایید:

http://www.dosya.tc/indirr/aS4BrH/Xurdad1390.mp4.html

:متن سی دی

   اولو تانری نین آدی ایله

   آذربایجان یاتماییب، وارلیغینی آتماییب!

   حؤرمتلی آذربایجان میلله تی،

   خانیملار و آقالار!

   1174 ایل اؤنجه، ایسلام آدینا حکومت ائدن عباسی خلیفه لری شیعه لرین ایمامی حضرت ایمام ریضا (ع)ی مشهدده زهرله ییب، شهید ائدندن سونرا، آذربایجانین باشا-باشیندا ظولمه و ایستعمارچیلارا باش قالدیران اولو آتامیز بابکی ده اسیر ائدهرک، وحشیجهسینه ظولم مرکزی اولان «بغداد» شهرینده شهادته یئتیردیلر. ساغ الی ایله کسیلدیگی سول قولونون قانی ایله اؤز اوزونو بولاشدیران بابک، "سارالماغیمی گؤرمه یه جکسینیز!" دئیهرک، قانلا قیزارمیش آل اوزونو بایراق ائدیب، کیم اولدوغونو، و آذربایجانین نه اولدوغونو بیر داها ظالیم معتصمباللهآ تانیتدیردی! "بوراسی ظولمه باش اگمه ینلرین یودودور! بوراسی آذربایجاندیر!" دئیه باغیردی!

   آذربایجانین یوزلر ایل اؤنجه کی بابک بذ قالاسیندان باشلانان قانلی قییامیندا یوز مینلرجه کیشی و قادینیمیز ظالیملر الینده اسیر اولوب، سورگون ائدیلیب، و ایشکنجهلر آلتیندا شهید اولدولار! آنجاق، باشی اوجا آذربایجان تورک میللهتی ظالیملره یئنیلمهییب، اونلاری یئندی و اؤز اولوسال حاکیمیتینی آتابیلر، شیروانشاهلار، ائلخانلار، سلجوقلار، صفویلر، افشارلار، و قاجارلار الی ایله قورماغی باجاریب، تورک قیلنجیینی تاریخ دوواریندان آسدی و اؤز آدینی اولوسلار و میللتلر دفترینده ثبت ائتدی.

   یازیقلار اولسون کی، هئچ زامان ظولمون کؤکو قوروماییر، و میللهته یاد و اوندان بیگانه اولان حاکیمییتلر، میللهتین ال باغلیلیغینی و اعتراض سسینین اوجالماماسینی گؤرونجه، بیر داها ظولم ائتمهیه جان آتیرلار. آما، وطن ائولادی دا هئچ زامان سوسماییب، اولوسو و میللهتی اویاندیرماغا و اونلارین حاق سسینی اوجالتماغا چالیشر و بابکین نسلیندن اولان نعیمیلر، نسیمیلر، کوراوغلولار، نیگارلار، هجرلر، نبیلر، جاوادلار، ستارخانلار، زینب پاشالار، باقیرخانلار، خییاوانلیلار، پیشهوریلر، ابراهیمیلر، شریعتمداریلار، امانیلر، و بوتون وطن سئوگیسی ایله ووروشان، دؤیوشن و ساواشان اولو اؤندرلر یئتیشدیریر.

   مشروطیت دؤنمینده، میللتیمیز ستارخانی، زینبپاشانی، باقیرخانی، خییاوانلینی، ثقت الاسلامی، علی موسییونو، حیدرخان عموغلونو، سعید سلماسینی، و یوزلرجه میللت فدائیسینی تئهرانین فاشیست مرکزی حاکیمیتی ایله ساواشماغا و مئیدانلاردا دؤیوشمهیه گؤرولندیریب، توفنگلرین توفه-توفونده تبریزین حاق سسینی تئهرانین ایلک میللتلر مجلیسینده باغیردی و اییالتی-ویلایتی انجمنلری یاراتدی. آما، یازیقلار اولسون کی انگیلیسلر تؤرتدیگی و یئتیشدیردیگی تولکو ماسونلار ستارخانین بابک روحونون گئدیملی آیاغینی بیر داها تئهرانین اتابک چرباغیندا گوللـهلهییب، شهید ائتدی و بیرر-بیرر علی موسویو و ایکی رشید اوغلونو، ثقت الاسلامی، حیدرخان عموغلونو، سعید سلماسینی، محمدتقی پسیانلینی و شیخ محمد خییاوانلینی قارا تورپاغا تاپیشیریب، حکومتی تورک الیندن قوللوقچوسو و قولچاغی اولان فارس راسیستلرین الینه کئچیردی. 1304جی هیجرت گونش ایلیندن باشلایاراق، اینگیلیس قاجاری یئنیب، پهلوی الی ایله اؤز دئولهتینی ایران بویوندا اولان موستعمرهسینده قوردو، و آذربایجانیمیزی بو موستعمرهنین موستعمرهسی کیمی تعریف ائتمهیه باشلادی.

   1324جی گونش هیجرت ایلین آذر آییندا، بیر داها بابکین اؤلومسوز روحو، سید جعفر پیشهورینین اودلو سؤیلنتیلرینده میللهتین میللی حاقلارینی طلب ائتمهیه باشلاییب، آذربایجان میللی حکومتین ستارخانلی آل بایراغی یاشیل یوردوموزون گؤیلرینده اسیلمهیه باشلادی. شهید خییاوانلینین آلتی آیلیق قورولان میللی آزدیستان حکومتی، بیر داها بیر ایله دک پیشهوری اؤندرلیییایله میللی تورپاقلاریمیزین بؤیوک حیصهسینده قورلدو و بیر داها دا میللهتیمیزی سئومهین، و آذربایجانی ایستهمهین یادلار الی ایله و دونیا ایش بیرلیگی ایله، بیر ایلدن سونرا، 1325جی گونش هیجرت ایلینین آذر آییندا یئنیلدی. ریضاخان و فارس راسیست و استعمارچی حاکیمیتینین ایگیرمی ایلده ائتمهدیکلرینی، بیر ایلده ائتدییی میللی خیدمتلری اوچون، میللهتین سایقیسینی و آلقیشینی قازانان پیشهوری میللی حاکیمیتی، تورک دیلینی وطن دیلی اعلام ائدهرک، ایلک رادیونو، ایلک دانیشگاهی، و چوخلو ایلکلیکلری تبریزه و آذربایجانا پای گتیردی. آنجاق، فارس راسیسمی محمدرضا پهلوینین دؤنمینده، میللی حاکیمیتیمیزه سون وئریب، تورک دیلینده یایینلانان رادیوموزو، و تورک دیلینده اؤیرتیم و تحصیل کئچیرن دانیشگاهیمیزی قاپادیب، تورک دیلینده یازیلان کیتابلاریمیزی یاندیرب، تبریزی و بوتون آذربایجانی بؤیوک بیر سویقیریما معروض قویاراق، اون مینلر وطن ائولادینی شهید ائدیب، و مینلرینی ده وطندن سورگونلهدی و میللهتین قارقیشینی قازاندی. راسیستلر دیلیمیزی کسهرک، 1356جی گونش هیجرت ایلینین بهمن آینین 29ونا دک آذربایجانیمیزی آغیر سسسیزلیگه مجبور ائتدیلر.

   1356جی گونش هیجرت ایلنین بهمن آینین 29وندا، آیت الله شریعتمدارینین اؤندرلیگی، و خلق موسلمان حرکتینین فدائیلرینین چالیشمالاری ایله آذربایجان اؤز سسسیزلییینی سیندیریب، و بیر داها آزادلیق هارایینی هارایلادی. پهلوی رئژیمینین هیملهرینه و دیلیمیزی اسیر ائدن راسیستلرین بینؤورهسینه تپرم و زیلزیله سالان میللتیمیز، بیر ایل کئچمهدن 1357جی گونش هیجرت ایلینین بهمن آییندا  پهلوی شاهی محمدرضانی ایراندان دئپورت ائدیب، اؤز دینینده، و اؤز دیلینده موقددراتینی و گلهجهیینی چیزمهیه و تعیین ائتمهیه باشلادی. آنجاق، چوخ کئچمهمیشدیر کی اسیر اولان دیلینین یانیندا، دینی، کولتورو، و میللی دوشونجهلری ده «ویلایت مطلقه فقیه» آدینا اسیر اولدو! دیلینه چاتمامیش، دین آدینا دینینیده الیندن آلیب، دین آدینا بیر یئنی راسیستلیک و استعمار-ایستیبداد سیستئمه گیریفتار ائتدیلر. تاجلی پهلوی شاه دؤنمینده موستعمره اولموش آذربایجان، ایسلام آدینا قورولموش یئنی حکومتده، عمامه باشلی حجتیهلی و فورقانیهلی ماللالارین ایستیبدادینا و استعمارینا دوشدو. خمینینین جانینی قورتاران آیت الله شریعتمداری مظلومجاسینا قوم شهرینده شهید اولدو و بیر داها آذربایجان بالالاری و وطن ائولادی دارا چکیلیب، گوللـهلهنیب، زیندانی اولدولار. 1370جی گونش هیجرت ایلینده ائلچییبییین اؤندرلییی ایله قوزئی آذربایجانین جومهوریت حاکیمیتینین قورولوشونا دک آذربایجان گلهجهیینی گؤزلهیرک، سسسیزجهسینه سیخینتیلارا باخمایاراق، اؤز میللی-مدنی چالیشمالارینا دوام ائدیب، تونلری و قارانلیق گئجهلری سایاراق، گونشلی گونلرینی بیخمادان، گؤزلهدی!

   1370جی گونش هیجرت ایلینده و 1991جی میلادی ایلینده، قوزئی آذربایجان اؤز باغیمسیز حاکیمیتینی قوزئیده کی یاشایان تورک میللهتی الی ایله قوردو، و گونئی بیر داها جانلاندی و خوش گلجک آرزیسی ایله بیر داها چالیشمالارینی میللی و سییاسی آلاندا باشلادی. درنکلر قورولدو، و درگیلر یایینلانیب، ایلک قانونی و قانونسوز تشکیلاتلار و انجمنلر یاراندی. میللت اؤز طالعینی بللندیرمک اوچون بیر داها جان آتدی. آما، بو جان آتما و حرکت، باشقا حرکتلری ایله فرقلیایدی. بو سئری، آذربایجان باشقالارینا یوخ، اؤزو اوچون چالیشیردی. او رحمتلیک سهند بولود قاراچولونون شعرینی دایانمادان میزیلدایاراق، «اؤزگه چیراغینا یاغ اولماق بسدیر! دوغما ائللریمیز قارانلیقدادیر!» دئیه-دئیه، میللی ایستکلرینی یاشاماغا باشلادی و «آذربایجان میللی حرکتی»نی دونیایا تانیتدیردی.

   1380جی گونش هیجرت ایلیندن باشلایاراق، گونئی آذربایجان تورک میللهتی اولو بابالارینین اوجا داغلار باشیندا اوجالتدیغی بابکین بذ قالاسینا آخین ائدرک، دونیا تورکلرینین سعادتی یولوندا، «تورک دیلینده مدرسه – اولمالیدیر هر کسه»، «تورک دیلی رسمی اولسون»، «تبریز، باکی، آنکارا، بیز هارا فارسلار هارا»، «بیز اؤلمهیه حاضیریق – بابکین سربازییق»، «آتا بابک! آتا بابک! قویماز ائلیم یاتا بابک!»، و یوزلرجه میللی هارایلارینی هارایلایاراق اؤز کیملیگینه و اؤز میللی یوردونا و تورپاغینا یییهلهنهرک، بیر داها ظولمه عصیان ائتدی. تئهرانین راسیست حاکیمیتی میللت جوشقوسونو گؤروب، اونا قارشی چیرکینجهسینه و چوخ آلچاقجاسینا، دئولت روزنامهسی اولان «ایران گوندهلیگینده» تورکلره «سیز سوسهریسیز و بؤجک قدر گوجسوزسوز» دئیهرک، میلیونلار تورک اینسانین قاتیلیمی ایله یارانان جوشقونو تحقیر ائتمهیه و آلچاقلاماغا چالیشدی. آنجاق، میللهتین یوموروغو چوخ سرت بیچیمده اونون آغزینی یوموب، تئهرانین هیملرینی 1385جی ایلین خورداد آییندا تیترتدی.

   اولو بابالاریمیزین روحو، گونئی آذربایجانین 1385جی ایلین خورداد آینین قانلی قییامیندا نئچه مین ایللیک ظولمه قارشی اولان دؤیوشلریمیزه آرخالانیب، بیر داها بابکین و ستارخانین آل بایراغینی وطن سئونلرین الی ایله قالدیردی. ظالیمجهسینه قورولان راسیست و فاشیست تئهران حاکیمیتی، آتامیز «بابک»ین دؤنمینده عباسیلرین خلافت مرکزی اولان «بغداد»ین رولونو اویناییب، بوگونکو «ظولم مرکزی» اولاراق، میللهتین حاق ایستکلرینه بیگانه قالیب، اونون حاق سسینی اؤز روزنامهلرینده، تلویزیونلاریندا، و بوتون مئدییالاریندا الینده اولان ایمکانلاری ایله بوغماق ایستردی، آنجاق، باجارا بیلمهدی و تاریخ اونون باجارمایاجاغینی چوخ یاخچیجا ایثبات ائتمکدهدیر!

   1385جی گونش هیجرت ایلینده راسیستلرین آغزی باغلانیب، توفنگ، و توپانجا دیلی ایله دانیشماغا باشلادیلار و نئچه اون آذربایجان میللی حرکتچیسینی شهید ائدهرک، سولدوزو، خییووو، تبریزی، اورمونو، مرندی، اردبیلی، زنجانی، و بوتون آذربایجانی قانا چکیب، سون سؤزلرینی دئدیلر! اونلارین سون سؤزلری اورمو گؤلونون قوروماسیندا، و تیراختور فوتبال تاخیمینین برتر لیگه گیرمهسینه قارشی چیخماقلاریندان، و ارگ قالاسینین داغیدیلماسیندان دا ائشیدیلیردی! میللت حاققینی فارس الیندن آلماق ایستهمهدن، فارسین  حاققینی الینه قویماق اوچون اؤز حاقلارینی اؤز ایستهدیغی کیمی یاشاماغا باشلادی. فارسلار قارا-یاشیل راسیست سئچگیلرینه باشلارینی قاتان زامان، آذربایجان تیراختور فوتبال تاخیمی آدینا دانیشماغا باشلادی. هر هفته بیر آذربایجان دانیشیر مانیفئستی تبریزین بوزقوردلار درهسی اولان سهند ایستادییوموندا، و راسیست مرزلرینین هر بیر یئرینده یایینلاندی، و «تورک دیلینده مدرسه» میللتین بیرینجی ایستهیینه چئوریلدی.  تیراختورون برتر لیگه گلمهسی ایله، آذربایجان بیر داها دوغولدو و بیر داها اؤز ایستکلرینه دوغرو حرکت ائتمهیه باشلادی و آرتیق ایکی ایلدیر کی راسیستلرین قارشیسیندا دیرهنهرک، اؤز قورتولوش آرزیسینی گرچکلندیرمهیه دوغرو حرکت ائدیر.

   آرتیق میللهتیمیزه آیدین اولوبدور کی «ایران» آدلانان بیر اؤلکهده آذربایجان اوچون هئچ بیر فایدا یوخدور، و «ایران» آذربایجانی هر ساحهده دالی ساخلاماق ایستهییر. آرتیق بیزه بللی اولوبدور کی «ایران» آدلانان اؤلکه و فارس راسیستلری «آذربایجانی» اؤزلرینه مستعمره ائدیب، و آذربایجانلیلاری کؤلهلیگه دوغرو آپارماق ایستهییرلر. فارس راسیسمی میللهتیمیزین دیرهنیش چالیشمالاریندان و قوروتولوش سونوجلامالاریندان قورخاراق، اؤز مستعمرهسینی الدن وئرمک ایستهمهدیگی اوچون اویانیش سسیمیزی ائشیتمهدن گلهرک، بوتون چاباسینی میللتین وطنسئور میللتچیلرینی توتساقلاردا چوروتمهیه، اونلاری ایشکنجه ائتمهلره، و معنوی و مادی یوخ ائتمهلره معروض قویور! او ییرتیجیلیغینی او حدده قالدیریبدیر کی آرتیق بو میللتین وطن سئور قادینلارینی و خانیملارینی دا توتساقلاییب، میللهتین ناموس و شرفینه توخونور! آرتیق سوسماق، و یالنیز باخیجی اولماق آذربایجان میللهتینه یاراشماز! آذربایجان میللهتی، چکنمز بو ذیللهتی!

   بویون 1390جی گونش هیجرت ایلینین گونلریندن بیریدیر. بویون سن و من بیر دها بیز اولوب، "بیز واریق! بیز اؤلمهمیشیک! بیز اؤلومسوز بیر وارلیق، و اولوسوق!" هارایلامالییق. بویون، راسیستلر میللهته قارشی بوتون ایمکانلاری ایله ظولم ائتمهیه و یوگورمهیه باشلاییبلار! بویون تیراختور فوتبال تاخیمیمیز، اورمو گؤلو، یئر آلتی ثروتلریمیز، آخان چایلاریمیز، قیزیل-اورانیوم-میس-باهالی داشلار و باشقا معدنی ماددهلرله زنگین اولان داغلاریمیز، تورپاقلاریمیز، چالیشان بئیینلریمیز، اللـهری پینه باغلامیش ایشچیلریمیز، میللی شخصیتلریمیز، دانیشگاهلاریمیز و تحصیل مرکزلریمیز، روزنامهلریمیز، کئچمیشدن میراث قالان آبیدهلریمیز و میللی اثرلریمیز و بوتون میللی ثروتلریمیز، ایقتصادیمیز، آل-وئریمیز و قدیم بازاریمیز، قدیم مدنییتیمیز، یاشلی کولتوروموز، زنگین تاریخیمیز، نفیس ادبیاتیمیز و روحسال شعریمیز، اوشاقلاریمیزین شیرین دیللری، دیلیمیز، دینیمیز، بوتون وارلیغیمیز و آذربایجانین دونهنی، بویونو، و صاباحی خطردهدیر. وطن سنی و منی بو یاشا و بویا چاتدیریبدیر! بیز آنا وطنه امدیغیمیز سوت بورجوموزو اؤدهمهلیییک. اؤز آنا وطنیوی سئویرسنسه، اونو بو ظولمدن قورتار! آنامیز آذربایجان سنی چاغیریر ! اونو یالنیز بوراخما!

   راسیستلری یئرلرینده اوتورتماق اوچون ال-اله، بیرلیکده، یکشنبه گونو، اردیبهشت آیین 25ینده، آغزلاریمیزا ماسک تاخیب، سوساراق، ساکیتجهسنه تیراختور فوتبال اویونونا قاتیلیب، و اویون بیتندن سونرا، شعار وئرمهدن و دوشمنلره اویون اولمادان، ساکیتجهسینه و آرام شکیلده ساعات قاباغینا دوغرو حرکت ائدیب، ایمام حسین (ع) کسیلمیش باشینا، حضرت ابلفضلین قلم قوللارینا، و اولو بابکین کسیلن باشی و قلم قوللارینا آند ایچهرک، میللی وارلیغیمیزی قوروماق اوچون اورمو گؤلونو قورویانلاری، تورک دیلینده مدرسه ایستهینلری، و میللی وارلیغیمیزا صاحاب چیخانلارین زیندانی اولماسینا اعتراض گؤسترهجهییک.

   یاشاسین وطن

   یاشاسین آذربایجان

آرازنیوز