Trampın Putinə münasibəti dəyişir

SON XƏBƏRLƏR

Trampın Putinə münasibəti dəyişir

2025.05.14, 13:20

Amerika Prezidenti Donald Trampın administrasiyası son vaxtlar Ukraynadakı müharibə ilə bağlı mövqeyini tədricən dəyişir.

Gunaz.tv

“Financial Times” nəşri yazır ki, Amerika rəsmiləri sülhdən yayınan Rusiya lideri Vladimir Putinə qarşı getdikcə daha səbirsiz görünürlər, çünki sülhə ən böyük maneənin Ukrayna Prezidenti Volodimir Zelenski yox, onun olduğunu düşünməyə başlayıblar.

Almaniyanın Amerikadakı keçmiş səfiri Volfqanq İşinqer deyir:

“Amerikalıların sadə bir fikri vardı: gəlin Rusiyaya təsir göstərək, Zelenskiyə təzyiq edək və razılaşaq. Məlum oldu ki, Rusiyaya təsir etmək kifayət deyil”.

Trampın ən çox arzuladığı məqsəd - sülh danışıqları və müharibənin dayandırılmasına səbəb ola biləcək atəşkəs hələ də onun üçün mümkün deyil, çünki Putin sərt sanksiyalara baxmayaraq, atəşkəs çağırışlarını rədd edib. Analitiklərin fikrincə, Rusiyanın bu aşkar oyunu Trampı qıcıqlandırır. Amerikanın Rusiyadakı keçmiş səfiri Maykl Makfol Trampın Putindən məyus olduğunu bildirir:

“Trampın mesajlarında məyusluq hiss olunur. Ola bilsin, o, çox şeydən imtina etdiyini və əvəzində heç nə almadığını başa düşür”.

Ş.E

GUNAZ.TV

SON XƏBƏRLƏR