AB genişlənməlidir

SON XƏBƏRLƏR

AB genişlənməlidir

2021.10.20, 07:36

Gunaz.tv

AB genişlənməlidir Polşa və İsveç Avropa Birliyinin Azərbaycan da daxil olmaqla bəzi postsovet ölkələrilə viza rejiminin yumşaldılmasını təklif edir Azər Lüksemburqun baş naziri Jan Klod Yunker bəyan edib ki, Avropa Birliyinin keçmiş SSRİ-nin altı respublikası ilə daha sıx əlaqələri barədə Polşanın təşəbbüsünü dəstəkləyir. Yunker gələcəkdə Birliyin üzvü ola biləcək ölkələrin sırasında Ukrayna, Azərbaycan, Belarus, Gürcüstan, Moldova, Ermənistanın adlarını çəkilib. Cənab Yunker bildirib ki, onun hökuməti Avropa Birliyinin qapılarını üzü şərqə açmaq barədə Varşavanın planını cidd-cəhdlə dəstəkləyəcək. Lüksemburqun baş naziri bu bəyənatı Varşavada Polşalı həmkarı Donald Tuskla birgə keçirdiyi mətbuat konfransında verib. Polşa və İsveç Avropa Birliyinin digər 27 üzvünün adıçəkilən MDB ölkələri ilə daha yumşaq viza rejiminə keçmələrinə çalışır. Polşa həmçinin bu ölkələrin hər biri ilə ayrılıqda bağlanmış ticarət sazişləri əsasında azad ticarət zonasının yaradılmasını təklif edir. Rəsmi Varşava keçmiş sovet respublikaları ilə daha sıx əlaqələrin Fransanın təklifləri ilə zidd olduğu barədə iddiaları da rədd edib. Yunker vurğulayıb ki, Polşa və İsveçin planları üçüncü bir ölkəyə qarşı yönəlməyib. O deyib ki, Avropanın şərqində olub, onlardan şərqdə yerləşən ölkələrlə sıx əlaqələrə çalışmayan Avropa Birliyi ölkələri böyük səhvə yol vermiş olurlar. Polşanın baş naziri isə bəyan edib ki, o, bu planın Avropa Birliyi liderlərinin iyunun 19-20-də keçiriləcək görüşündə başqa üzv ölkəlkər tərəfindən dəstəklənəcəyinə inanır: "Biz çox istərdik ki, plan layihəsində göstərdiyimiz konkret təkliflər Avropa Komissiyasının tövsiyələrinə çevrilsin".