Contact Us

SON XƏBƏRLƏR

Prezident İlham Əliyev tanınmış güneyli alim Şapur Ənsariyə medal verdi

2024.04.24, 12:12
Prezident İlham Əliyev tanınmış güneyli alim Şapur Ənsariyə medal verdi

Aprelin 23-də ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib.

Gunaz.tv

Azərbaycan Respublikasının Prezidenti İlham Əliyevin çıxış etdiyi forumda dünyanın müxtəlif ölkələrindən nüfuzlu şəxslər iştirak edib.

Onların arasında Güney Azərbaycanın Marağa şəhərindən olan və hazırda ABŞ-da yaşayan nüfuzlu alim Dr. Şapur Ənsari də olub.

Fasilə zamanı Prezidentlə görüşən Ş.Ənsari, Heydər Əliyevlə münasibətini xatırladıb.

Azərbaycanın inkişafı, Heydər Əliyevin siyasi kursunun davam etdirilməsinə görə məmnunluğunu bildirib.

Forumdan sonra Diasporla İş üzrə Dövlət Komitəsinin sədri Fuad Muradov, Preziden İlham Əliyevin imzaladığı sərəncamla təsis edilən "Heydər Əliyevin 100 illiyi (1923–2023)" yubiley medalını Şapur Ənsariyə təqdim edib. 

Qeyd edək ki, Şapur Ənsari 1936-cı ildə Marağada anadan olub. Tehranda tibb təhsilini başa vurduqdan sonra ABŞ-ə gedib. Uzun müddət bu ölkədə ürək cərrahı kimi çalışıb, eyni zamanda dərs deyib. Həmçinin özünün klinikasını açıb. 

Bununla yanaşı o, ABŞ-də mötəbər rəsmi tədbirlərdə Azərbaycanın təbliğatını aparır. Ş. Ənsari 50 ildən çoxdur ki, ABŞ-də yaşamasına baxmayaraq tez-tez Azərbaycana gəlib-gedir.

Keçmiş Prezident Heydər Əliyevlə də yaxın münasibətləri olan Şapur Ənsari, Azərbaycan həqiqətlərinin dünyada yayılmasında rol oynayıb.

O, Güney Azərbaycan və İranda yaşayan azərbaycanlıların hüquqlarının müdafiəsi və təmini istiqamətində fəaliyyətlərini davam etdirir.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar