"Onun divarda “Ya Hüseyn” yazması dini məsələ deyil"-Əhməd Obalı-VİDEO

09.08.2022, 20:00

Bir neçə gün əvvəl Londonda Azərbaycan səfirliyinə basqın edildi. Hadisənin “Mehdi Nökərləri” adlı qrup tərəfindən həyata keçirildiyi bildirilirdi. “GünazTV”-nin rəhbəri Əhməd Obalı baş verən hadisə barəsində yerli mətbuata açıqlama verib.

Gunaz.tv Quote | Gunaz article

O, qeyd edib ki, hər bir hadisə haqqında fikir bildirməmişdən öncə, biz baxmalıyıq ki, bu hadisə necə yaranıb və nə baş verib ki, bu hadisənin baş verməsi məcburi olub. Onun sözlərinə görə, bundan əvvəl Azərbaycanı anti-din, anti-şiə obrazında göstərməyə çalışan bir propaqanda vardı. 

Bəzi ərəb ölkələrinin televiziyalarında yayılan bu propaqanda İran tərəfindən edilirdi.

“Həm Hizbullahın əlində olan telekanallar, həm İranın əlində olan telekanallar, Afrikanın şimalından tutmuş, Orta Şərqin hər tərəfində şiələrin olduğu yerə yayılan bir proqramdır. Bunlar belə göstərirlər ki, Azərbaycanda şiələrin rəhbərləri həbsdə işgəncə görür və Azərbaycanda şiələrə əza tutmağa icazə verilmir.

Azərbaycanda əksəriyyət şiədir, məscidlər var. Azərbaycan dövləti özü məscidlər tikib, məscidlərdə əzadarlıq var. Kimsə şiələrin qarşısını almır”,- deyə Əhməd Obalı əlavə edib.

Əhməd Obalı

“GünazTV”-nin rəhbəri hesab edir ki, Azərbaycan dövlətinin bir reaksiyası olmalıdır. Çünki dini propaqandanın gec-tez bir reaksiyası olmalıdır.

“Bunun bir nəticəsi olmalıdır. Bu qədər Azərbaycanın əleyhinə ədalətsizcəsinə məlumatları yayan İran bunu gözləyirdi. Əlimizdə hər hansı bir sənəd yoxdur, deyilsin ki, siz gedin orada Azərbaycan səfirliyini işğal edin, onun içində vandalizmlə məşğul olun, Azərbaycan bayrağını yerə atın, tullayın. 

Amma oğru alnına yazmır ki, “mən oğruyam”. Onun əməllərindən bəllidir. Bu qədər Azərbaycan əleyhinə propaqanda İran tərəfindən başlanılıb. Və bu təzə bir şey deyil. Hər il var, həmişə olub. Bakıdakı terrorçuların həbsdə aclıq aksiyası keçirməsi də film idi. Sonra da güya xahiş etdilər, durdurdular. Azərbaycanın əleyhinə propaqanda o vaxtdan artmağa başladı.

Son zamanlarda bir xanım guya gedir, küçədə divarda şüar yazır. Azərbaycan qanunvericiliyinə görə bunu edə bilməz. Evinin içində nə edirsən, et. Amma küçəni dini şüar mərkəzinə çevirə bilməzsən. Dini şüar deyəndə də siyasi cəhətdən dini şüar yazır. Onun divarda “Ya Hüseyn” yazması dini məsələ deyil.

Mən uşaqlıqdan gözləyirdim ki, Məhərrəm ayı gəlsin, məscidə gedək, İmam Hüseynin əzadarlığını edək. Biz evimizin içini, çölünü “Ya Hüseyn” ilə doldurmurduq. O məsələni də sosial şəbəkələrdə İranda partlatdılar və elan etdilər ki, artıq Azərbaycanda şiələr İmam Hüseynin adını çəkə bilmirlər.

İmam Hüseynin adını çəkəni tutub döyürlər, söyülər, həbsə atırlar, əzirlər”,- deyə Əhməd Obalı əlavə edib. O, qeyd edib ki,  Yasir Əl Həbibi bir müddət əvvəl İranda ölən Qasim Süleymaninin adamlarındadır. Bu hadisəni onlar törədib.

Obalının sözlərinə görə, hadisədən danışmamışdan öncə, hadisəyə nəyin səbəb olmasından danışmaq lazımdır. O, bildirib ki, Qərb dövlətlərində insanların söz haqqı və piket keçrimək haqqı var. Dövlət və polis onun qarşısını ala bilməz. Amma eyni zamanda İngiltərədə də, Amerikada da, mülkiyyət hüququ və insanların canını qorumaq hüququ vardır.

“Səfirliyin qarşısında piket keçirə bilərlər, amma səfirliyin qapısına barmaqlarını vurmağa haqları yoxdur. İnsanlar azaddır, amma sözlərini deməyə azaddır. Onların kiminsə mülkünü əzməyə, zədələməyə haqqları yoxdur. Azərbaycan səfirliyinin işçilərinə piket keçriənlərin barmaq toxundurmağa belə haqqları yoxdur. 

Bütün Qərb ölkələrində belə vəziyyətdir. Odur ki, polisin piket zamanı belə yumşaq davranmasının səbəbi polisin gücünün olmaması ilə bağlı olub. Ola bilsin ki, onlar əlavə kömək gəlsin deyə gözləyib. Əlavə kömək də gec gəlib. Gözləyiblər ki, bu işin mütəxəssisləri gəlsin. Və 1 saata gəlib 8 nəfəri yaxalayıblar”,- deyə o vurğulayıb.

Əhməd Obalı qeyd edib ki, bu hadisədən bir neçə gün öncə Azərbaycanın Londondakı səfiri Elin Süleymanov məzuniyyətdə, Bakıda olub. Həmin hadisə günü səfirlikdə 4-5 nəfər qalıbmış.

Hadisə 4.30 da səfirliyin bağlanma saatına yaxın vaxt baş verib. 16.00-dan sonra bütün səfirliklər bağlanır. Piketçilər elə bir zaman seçiblər ki, orada adam olmasın. Amma buna baxmayaraq, orada adam olub. Gəlin, açıq danışq, 30 nəfər vəhşinin qarşısında 3 nəfər diplomat nə edə bilər ki?

“Diplomatın vəzifəsi vəhşi təfəkkürlü şəxs və ya qrup ilə yumruqlaşmaq deyil. Həmin vaxt orada səfirin müvəqqəti işlər vəkili Rəşad Vahabzadə olub. O nə iş görə bilərdi? Polisi çağıra bilərdi. Konsul çöldə olub. Polisin gəlməsini koordinasiya edib.

Daha sonra polis gəlib, həmin vəziyyət dayandırılıb və səfirlik yenidən azərbaycanlıların nəzarətinə verilib”,- deyən Obalı bildirib ki, buna görə də, polisi və İranı bir kənara qoyub, Azərbaycan diplomatlarını tənqid etmək ayıbdır.

Əhməd Obalı bildirib ki, Azərbaycan səfirliyi ingilis polisindən dəfələrlə polis nəzarəti istəyib. Amma bildirilib ki, yer əmin-aman yerdir. Burada çox səfirliklər var. Əraziyə patrul nəzarət edə bilir.

Obalı qeyd edir ki, bu gün terrorçular Azərbaycan səfirliyinə nərdivan qoyub çıxa bilirlərsə, sabah daşnaklar da həmin işi görə bilər. Daha ağır nəticə verəcək addımlar ata bilərlər.

“Buna görə də yaxşı olar, Azərbaycan dövləti tələb etsin ki, necə Azərbaycanda Azərbaycan polisi İngiltərə səfirliyini qoruyur, İngiltərədəki polis də Azərbaycan səfirilyini qorusun. Azərbaycan dövləti bunu tələb etməlidir”,- deyə o, vurğulayıb.

Xatırladaq ki, hadisə “Mehdinin nökərləri” tərəfindən həyata keçirilib. Yaser Əl Həbib Küveytlidir, “Mehdinin nökərləri” qrupunun rəhbəri və qurucusudur. Molladır, şiədir. Gəncliyində İranda təhsil alıb, Qum şəhərində din məktəbində mollalıq dərsi alıb. Sadə dillə desək, Qum şəhərinin yetişdirdiyi beyin baxımından şiə fanatıdır. Şiəçilik fanatizmini də İranda oxuyub.

“İranda məhşur Şirazi ailələri var. Siyasi bir ailədir. Həmin ailənin qızı ilə evlənib. Müctəbaba Şirazi Xomeyni Nəcəfdə olanda onun ən yaxın adamı olub. Müctəba Şirazi, Xomeyni üçün hətta şeir də deyib”,- deyə Əhməd Obalı əlavə edib.

Əhməd Obalı deyir ki, İranda oxuyanların bir qismi fanatdır. (bizimyol.info)

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

"Tehranda 185 "Bəsic" üzvü yaralanıb"-SEPAH-dan açıqlama

2022-09-29

gun az article

Ancelina Coli İranda etiraz edən qadınlara dəstək verdi

2022-09-29

gun az article

“Erasmus+” 2 proqramının açılış mərasimi keçirilib

2022-09-28

gun az article

Azərbaycan XİN: "Ermənistan bölgədə vəziyyəti gərginləşdirmək istəyir"

2022-09-29

gun az article

İbrahim Rəisi yenidən etirazçıları iğtişaşçı adlandırdı

2022-09-29

gun az article

Sərhədsiz Reportyorlar Təşkilatı İranda 33 jurnalistin həbsdə olduğunu bildirib

2022-09-29

gun az article

İranda etiraz aksiyaları davam edir

2022-09-29

gun az article

İran parlamentinin bir qrup üzvü kütləvi etirazları pisləyən bəyanat yayıb

2022-09-28

gun az article

Fransanın Cənubi Qafqaz üzrə xüsusi nümayəndəsi Azərbaycana gəlir

2022-09-28

gun az article

Kəlbəcərdə Ermənistanın açdığı atəş nəticəsində hərbi qulluqçumuz yaralanıb

2022-09-28

gun az article

İspaniya İranda etirazçılara qarşı qəddarlığa görə bu ölkənin səfirini XİN-ə çağırıb

2022-09-28

gun az article

ABŞ öz vətəndaşlarını Rusiyanı dərhal tərk etməyə çağırıb

2022-09-28

gun az article

Şiraz Universitetində etiraz aksiyası keçirilir-VİDEO

2022-09-28

gun az article

Tehranın 3 zindanına 2 min etirazçı aparılıb

2022-09-28

gun az article

İran yenidən Azərbaycan sərhəddinə yaxın bölgədə terrorçu tutduğunu iddia edib

2022-09-28

gun az article

SEPAH İraqın şimalında müxalif təşkilatların qərargahlarını atəşə tutub

2022-09-28

gun az article

İranın Polis Komandanlığı üsyançıları hədələdi: "Sərt tədbirlər görüləcək"

2022-09-28

gun az article

BMT-nin baş katibi: "Etirazlarda qadın və uşaqlar da daxil olmaqla, həlak olanların sayının artmasından narahatıq"

2022-09-28

gun az article

Hikmət Hacıyev Armen Qriqoryanla müzakirə olunan məsələləri açıqlayıb

2022-09-28

gun az article

İran hökuməti üsyançılara qarşı livanlı və iraqlı muzdlulardan istifadə edir

2022-09-28