Ermənistan İranla hərbi anlaşma imzalamaq arzusundadır

SON XƏBƏRLƏR

Ermənistan İranla hərbi anlaşma imzalamaq arzusundadır

2024.05.02, 16:06

Günaz.tv xəbər verir ki, İranın rəsmi xəbər agentliyində Azərbaycana qarşı müsahibə yayımlanıb.

Gunaz.tv

Ermənistan parlamentinin Milli Təhlükəsizlik Komissiyasının üzvü Anna Qriqoryan bazar ertəsi İran rejiminin rəsmi xəbər agentliyi olan “IRNA”-ya verdiyi müsahibə zamanı söyləyib.

“Ermənistan müharibə şəraitindədir... Düşünürəm ki, İranın Ermənistanın ərazi bütövlüyünün qorunması ilə bağlı verdiyi çoxsaylı bəyanatlarla yanaşı, iki ölkə arasında münasibətlər daha yüksək səviyyədə inkişaf edə bilər.”

Erməni deputatı qeyd edib ki, İranın Ermənistanın ərazi bütövlüyünü dəstəkləyən sərt bəyanatlarına baxmayaraq, hazırda iki ölkə arasında konkret hərbi anlaşma mövcud deyil. Bu vəziyyət dəyişməlidir.

İranlı jurnalist erməni deputata Ermənistan hökumətinin bir neçə kəndi Azərbaycana təhvil verməsi ilə bağlı son xəbərlər barədə sual da ünvanlayıb. Bu suala cavabında Qriqoryan bildirib ki, Azərbaycan 2020-ci il müharibəsindən sonra əvvəllər regionda bir neçə ərazini zəbt etdiyi üçün bu addım qəbuledilməzdir.

O, xəbərdarlıq edib ki, bu kəndlərin təhvil verilməsi faktiki olaraq Ermənistan-Gürcüstan magistralını və Ermənistana gedən Rusiya qaz kəmərini Azərbaycanın nəzarəti altına keçirəcək.

İran rejiminin rəsmi xəbər agentliyi Azərbaycana qarşı məkrli siyasətini davam etdirərək iddia edib ki, iki ölkə arasında 2020-ci ildə baş verən müharibə minlərlə insan itkisi və ABŞ da daxil olmaqla qlobal güclərin müdaxiləsi ilə nəticələndi.

Qriqoryan həmçinin beynəlxalq müşahidəçilərin Ermənistandakı rolu ilə bağlı narahatlığını ifadə edərək, İranın beynəlxalq müfəttişlərin nüvə proqramı haqqında xarici kəşfiyyat xidmətlərinə məlumat verməsi təcrübəsi ilə müqayisə aparıb.

GünazTV

GUNAZ.TV

SON XƏBƏRLƏR