Contact Us

SON XƏBƏRLƏR

Sizə hansı dildə deyək ki: “Ana dilimiz tükcə təhsil almaq: bizim haqqımızdır!”

2023.11.14, 12:57
Sizə hansı dildə deyək ki: “Ana dilimiz tükcə təhsil almaq: bizim haqqımızdır!”

Güney azərbaycanlı yazıçı Həsən Raşidi İrana bağlı Səhər Televiziya kanalının ana dilində təhsil almaq barədə yalanını qınayıb.

Gunaz.tv

Bir müddət öncə İranin maliyyə dəstəyi və təxribat məqsədi ilə Azərbaycan Respublikasına yayımlanan Səhər kanalı Güney azərbaycanlıların öz ana dillərində təhsil alamq istəmədiklərini iddia edib. 

“Bu proqramı hazırlayanlardan soruşuram: hansı referandumla nəticə çıxardınız ki, İran türkləri öz ana dillərində təhsil almağı vacib bilmirlər!? 

Cəmiyyətin 40 faizini təşkil edən biz İran türkləri sizə hansı dildə anladaq ki: “Ana dilimiz tükcə təhsil almaq: bizim haqqımızdır!.””-deyə Raşidi bildirib.

“İdman satdiumlarında hərəsi bir ailənin təmsilçisi olan 70-80 min nəfərin “Türk Dilində Mədrəsə, Olmalıdır Hər Kəsə!” harayı bu istəyin olduğuna dəlalət etmirmi?! 

Ana dilində təhsil tələb etdiklərinə görə yüzlərlə milli-mədəni fəallın hakimiyyət tərəfindən saxlanıləb həbsə salınmaları buna yetərli deyilmi?

Onların fars dilli vətəndaşların malik olduqları kimi məktəblərdə, universitetlərdə ana dilində təhsil istəkləri, həmçinin radio-televiziyaya, mətbuata və sair medialara malik olmaq tələbləri bu istəyin olduğuna sizi qane etmirmi?”-deyərək yazıçı əlavə edib.

Cənab Raşidi həmçinin hakimiyyətin türkcə kitabların sərgilərdə satışının qarşısını almaq siyasətlərinə də toxunub:

“İran türklərinin ana dilində təhsil haqqı və sair təmin olunmayan hüquqlarını müdafiə edən türkcə və ya farsca yazılmış kitablar Azərbaycan xalqının və sair İran türklərinin türkcə təhsil almaq tələbi və ehtiyaclarının ifadəsi deyilmi?”

Güneyli yazıçı həmçinin İran konstitusiyası 15-ci maddəsinin ana dili tədrisi barədə müddəaları əsasında 4 il öncə Güney Azərbaycan əyalətləri qubernatorlarının yoxlama planı kimi həftədə 2 saatlıq Azərbaycan türkcəsinin tədrisi xərclərini ödəməyə hazır olduqlarını vurğulayıb.

“Həmin xərclər Təhsil Nazirliyinin borcu olduğu bir halda və təmin etmədiyinə görə qubernatorlar Təbriz, Urmu, Ərdəbil və Zənganda həftədə 2 saatlıq tədris xərclərini öz üzərlərinə götürdülər. 

Lakin hakimiyyət yenə onun icrasından imtina etdi. 

Bunlar Azərbaycan xalqının ana dilində təhsil barədə ümumi istəklərinə dalalət etmirmi?”-deyə Güney azərbaycanlı yazıçı Həsən Raşidi “Səhər” televiziya kanalının iddiasına cavab olaraq bildirib.

Taymaz

Açar Sözlər :

SEÇİLMİŞ XƏBƏRLƏR

Çox oxunanlar