"Urmu Birlik Səsi" parlament seçkiləri ilə bağlı bəyanat yaydı

SON XƏBƏRLƏR

"Urmu Birlik Səsi" parlament seçkiləri ilə bağlı bəyanat yaydı

2024.02.26, 15:45

Qərbi Azərbaycan əyalətindən olan mədəni, ictimai və siyasi fəalların təmsil olunduğu "Urmu Birlik Səsi" koalisiyası martın 1-də İranda keçiriləcək XII çağırış parlament seçkiləri ilə bağlı bəyanat yayıb.

Gunaz.tv

Bəyanatla bağlı Güney Azərbaycan sosial media şəbəkəsində paylaşımlar edilib.

Bəyanat müəllifləri qarşıdakı seçkidə Urmudan olan azərbaycanlı namizədlər Ruhullah Həzrətpur, Seyid Salman Zakir və Hüseyn Hacı Nəbini dəstəklədiklərini qeyd ediblər.

Fəallar Qərbi Azərbaycan əyalətinin həssas vəziyyətinin nəzərə alınmasını deyib, Azərbaycana qarşı torpaq iddialarınıın qarşısının alınması üçün birgə hərəkət etməyin vacibliyini bildiriblər.

"Qərbi Azərbaycanın vəziyyəti o qədər həssasdır ki, bəzi siyasi və ictimai hadisələrə, o cümlədən yerli seçkilərə məhəl qoymamaq bir çox mənfi nəticələrə səbəb ola bilər. Bölgədəki terror cərəyanına bağlı ekstremistlər və Azərbaycanı bütün maddi-mənəvi sərvətləri ilə birlikdə məhv etmək istəyən düşüncənin qaynağı eynidir, hər ikisi Azərbaycan xalqının düşməni hesab edilir.

Koalisiya üzvləri ölkədə keçirilən seçkilərin mexanizmi və formasına tənqidlərinin olduğunu, bütün siyasi-ictimai düşüncələrin, ölkədəki cərəyanların iştirakına zəmin yaradılmadığını qeyd ediblər.

"Buna baxmayaraq, anti-Azərbaycan və qərəzli ekstremist ideyaların daşıyıcılarına zərərli istəklərini genişlənmək imkanı verilməmək üçün seçkilər həmişə Qərbi Azərbaycandan olan milli hərəkat nümayəndələrinin diqqət mərkəzində olub",- bəyanatda vurğulanıb.

GünazTV

GUNAZ.TV

SON XƏBƏRLƏR