Contact Us

SON XƏBƏRLƏR

İran müdafiə naziri suriyalı həmkarı ilə görüşdü - İsrail hava zərbələri endirdi

2024.03.17, 12:12
İran müdafiə naziri suriyalı həmkarı ilə görüşdü - İsrail hava zərbələri endirdi

İran və Suriya müdafiə nazirləri arasında görüş keçirilib.

Gunaz.tv

Bu barədə İran mediası məlumat yayıb.

İran müdafiə naziri Məhəmməd Rza Aştiani martın 16-ı axşam saatlarında suriyalı həmkarı Əli Mahmud Abbas ilə Tehranda görüşüb.

Aştiani İsrailin Suriyaya hava hücumlarını pisləyib və İranın bundan sonrada Suriyayanın müdafiəsi istiqamətində dəstəyini davam etdirəcəyini deyib.

Bundan qısa müddət sonra İsrail Ordusu Suriyanın cənub bölgələrinə raket zərbələri endirib.

Suriyanın rəsmi xəbər agentliyi "SANA" hücum zamanı dağıntıların meydana gəldiyini və bir hərbçinin həlak olduğunu bildirib.

Mərkəzi ofisi Londonda yerləşən Suriya İnsan Haqları Müşahidə Qrupu isə Dəməşq yaxınlığında iki güclü partlayışın baş verdiyi barədə məlumat yayıb.

Məlumatda partlayışlardan birinin Livanın terrorçu Hizbullah qruplaşmasının silah-sursat anbarında meydana gəldiyi qeyd olunub.

Oktyabrın 7-də HƏMAS-ın İsrailə hücumundan sonra İsrail Tehranın bölgədəki müttəfiq qruplarının təchizatlarına qarşı mübarizə çərçivəsində Suriyada İranın dəstəklədiyi silahlı qruplaşmalara bağlı hədəflərə hücumlarını artırıb. 

Hücumlar nəticəsində Suriya ordusunun, Livanın Hizbullah terror təşkilatının, SEPAH-ın və İranda digər silahlı qruplaşmaların mərkəzləri hədəf alınıb.

İran hökuməti bir neçə dəfə İsraildən SEPAH-ın yüksək rütbəli zabitlərinin öldürülməsinin qisasını alacağı barədə hədələyici bəyanatlar yayıb.

Təhdid bəyanatlarından sonra İran həbsxanalarında saxlanılan müxaliflər və etiraz aksiyalarında həbs edilən şəxslərdən bir neçəsi İsrail casusu adı ilə edam edilib.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar