İrana bağlı hakerlər İsrailin önəmli təsisatına nüfuz etdiklərini iddia ediblər

SON XƏBƏRLƏR

İrana bağlı hakerlər İsrailin önəmli təsisatına nüfuz etdiklərini iddia ediblər

2024.03.23, 13:08

Haker qrupunun iddiasına əsasən onlar İsrailin önəmli nüvə təsisatı şəbəkəsinə nüfuz edərək minlərlə sənədi ələ keçiriblər.

Gunaz.tv

Sənədlərin Dimona Nüvə Elektrik Stansiyası adı ilə tanınan “Şimon Perez Neqev adına Nüvə Tədqiqatı Mərkəzi” barədə olğu bildirilib.

Kiber həmlə iddiasında olan “Adsız, Ədalət Üçün” (Anonymous, For justice) haker qrupu HƏMAS-İsrail müharibəsidən sonra fəaliyyətə başlayan qruplardan biri hesab olunur.

Qrup, iddiasının sübutu kimi e-mail, PDF və mətn fayllarından ibarət minlərlə sənədi öz Teleqram kanalında ümumi şəkildə paylaşıb.

Dimona Nüvə Elektrik Stansiyası İsrailin nüvə silahı məxfi proqramı ilə əlaqədar nüvə reaktoru olaraq ötən illərdə HƏMAS tərəfindən raket həmlələrinə məruz qalıb.

İsrailin Kanal-12 televiziyası nüfuzun olunduğunu deyərək sənədlərin doğru olduğu barədə ölkənin kiber təhlükəsizliyi ekspertləri tərəfindən araşdırma aparıldığını bildirib.

Qrupun hakerləri təşviş yaratmaq mqəsədi ilə digər mesajlarında həmin keçirdikləri kiber əməliyyataının “təhlükəli” olduğunu və buna görə də “hər hansı bir hadisənin” ola biləcəyi ehtimalını iddia ediblər.

Onlar nüvə partlayışı nəticəsində Dimona və Yeruham şəhərlərinin təxliyə olunacağı barədə video paylaşıblar.

Taymaz
.

GUNAZ.TV

SON XƏBƏRLƏR