Contact Us

SON XƏBƏRLƏR

Londonda Tehran rejiminin müxaliflərinə hücum edildi - Yaralananlar var

2024.05.25, 12:22
Londonda Tehran rejiminin müxaliflərinə hücum edildi - Yaralananlar var

Mayın 24-də London şəhərində İbrahim Rəisinin anım mərasimini keçirən bir qrup İran hökumətinin tərəfdarı ilə iranlı müxaliflər arasında dava olub.

Gunaz.tv

Bu barədə London polisi məlumat yayıb.

Polisin məlumatında deyilib ki, Londonda yaşayan müxalif iranlılar Rəisinin yas mərasiminin keçirilməsinə etiraz ediblər.

Yas mərasimi keçirən Tehran hökumətinin tərəfdarları etirazçılara hücum edib, qarşıdurma nəticəsində 4 etirazçı yaralanıb, 1 nəfər həbs edilib.

Həbs olunan şəxsin kimliyi barədə açıqlama verilməyib, hadisə səbəbkarlarının saxlanılması ilə bağlı tədbirlər görülür.

Qeyd edək ki, İran hakimiyyəti ölkə daxili ilə yanaşı xarici ölkələrdə də özünə bağlı qruplaşmalar vasitəsilə anım mərasimi təşkil edir, helikopter qəzasında həlak olanlardan ideoloji təbliğat vasitəsi kimi istifadə etməyə çalışır.

Bu məsələdə xüsusən SEPAH tərəfindən formalaşdırılan əfqanistanlılardan ibarət "Fatimiyyun", pakistanlılardanibarət "Zeynəbiyyun" terror qruplaşmalarının xidmətlərindən yararlanır.

Bununla yanaşı SEPAH-a bağlı "Hüseyniyyun" terror qruplaşmasının tərəfdarları vasitəsilə Azərbaycan Respublikasında da həmin niyyətini həyata keçirməyə cəhd göstərir.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar