Contact Us

SON XƏBƏRLƏR

İran prezidenti vəzifəsini icra edən Məhəmməd Moxber parlamentdə çıxış etdi

2024.05.27, 16:24
İran prezidenti vəzifəsini icra edən Məhəmməd Moxber parlamentdə çıxış etdi

Günaz.tv "Associated Press"-ə istinadən xəbər verir ki, İran prezidenti vəzifəsini müvəqqəti icra edən Məhəmməd Moxber bazar ertəsi ölkənin yeni parlamentində, 7 nəfərin ölümü ilə nəticələnən vertolyot qəzasından sonra, ilk dəfə çıxış edib.

Gunaz.tv

Onun çıxışı İranın cəmi bir ay ərzində İbrahim Rəisini əvəz edəcək prezident seçkilərinə hazırlaşdığı vaxta təsadüf edir. Bu səsvermədə əvvəllər kölgədə qalan siyasətçilərin də namizədliyini irəli sürə biləcəyi ehtimal edilir. Bu arada İranın yeni parlamenti çərşənbə axşamı yeni spikerini seçəcəyi də gözlənilir.

Moxber, çıxışında Rəisinin vəzifə dövrünü yüksək qiymətləndirdi. Çıxışı zamanı iddia etdi ki, İranın xam neft hasilatı - ölkə üçün sabit valyutanın əsas mənbəyi - gündə 3,6 milyon bareldən çox artdı. Qeyd edək ki, bazar günü ölkənin neft naziri Cavad Ovjinin İranı hədəf alan Qərb sanksiyalarına baxmayaraq, gündə təxminən 2 milyon barel ixrac etdiyini iddia edib.

Moxber həmçinin İranın son aylarda İraq, İsrail və Pakistanda hərbi əməliyyatlar apardığı zaman Rəisi dövründə ölkə iqtisadiyyatının sabit qaldığını iddia edib.
“Üç ölkə vuruldu. Biz İsraili vurduq, insanlar səhər yuxudan duranda iqtisadi göstəricilərin, sabit valyuta qiymətinin, inflyasiyanın, likvidliyin öncəki günlə müqayisədə eyni olduğunu, hətta bazarın insanların ehtiyacları ilə dolu olduğunu gördülər”, - Moxber iddia etdi. 

Tehranın dünya gücləri ilə 2015-ci ildə nüvə sazişi imzaladığı zaman 1 Amerika dolları 32 min riala bərabər idi. Bu gün ABŞ-ın razılaşmadan birtərəfli şəkildə çıxması və İranın müxtəlif regionlarda terrorçuları dəstəkləməsilə artan gərginlik fonunda 1 Amerika dolları 580.000 riala bərabər oldu. 

İranda iyunun 28-də prezident seçkiləri keçiriləcək. Cümə axşamı namizədlər üçün beş günlük qeydiyyat müddəti açılacaq. Analitiklər qeyd ediblər ki, Moxber də qeydiyyatdan keçənlərdən biri ola bilər.

 

 

Şahin Elxanoğlu


 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar