Contact Us

SON XƏBƏRLƏR

Təbrizdə tarixi irs məhv edilir

2024.06.07, 13:50
Təbrizdə tarixi irs məhv edilir

Təbriz şəhərinin müxtəlif bölgələrində Səfəvilər və Qacarlar dövrünə aid olan tarixi evlər şəxslərə satılır.

Gunaz.tv

Bununla bağlı Azərbaycan Mədəni İrs Dəstəkçilərinin baş direktoru Ramin Əsgərian açıqlama verib.

O, mədəni irsə qarşı olan bu hərəkətin Təbriz bələdiyyəsi və Şərqi Azərbaycan əyalətinin Mədəni İrs Təşkilatının məsuliyyətsizliyindən qaynaqlandığını söyləyib.

"Həmin binalarda dəyişiklik edilərək, tarixi kimliyi və memarlıq əhəmiyyəti məhv edilir, bəziləri isə dağıdılaraq yerində çox mərtəbəli binalar inşa edilir",- deyə Əsgərian bildirib.

Qeyd edək ki, Təbriz şəhərində əksəriyyəti Qacarlar dönəminin memarlıq nümunələri sayılan yüzlərlə tarixi ev və tikili mövcuddur.

Onların bir çoxu dağıdılıb və yerində çox mərtəbəli yeni tikililər qurulub. Son vaxtlar isə tarixi tikili və abidələrin istifadəyə yararsız evlər adı altında satışa çıxarılması halları da artıb.

Tarixi tikililərin satış elanlarında onlar istifadəyə yararsız binalar kimi göstərilir. Binaların tikinti tarixləri də dəyişdirilir, tarixi dəyərinin olmadığı iddia edilir.

Bir müddət bundan öncə Qacarlar dövründə tikilən Hacı Şeyx Təbrizi evi satış elanları saytında hərraca çıxarılmışdı. 

Qacarlar dövrünə aid adı çəkilən tikili 2003-cü ildə 9414 qeydiyyat nömrəsi ilə milli əsərlər siyahısına salınmışdı.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar