ABŞ: İranda keçirilən seçkilər ABŞ-in bu ölkəyə qarşı münasibətinə təsir etməyəcək

SON XƏBƏRLƏR

ABŞ: İranda keçirilən seçkilər ABŞ-in bu ölkəyə qarşı münasibətinə təsir etməyəcək

2024.07.07, 15:15

Seçki namizədlərinin dediyi kimi, İslam Respublikasının siyasətini onun lideri müəyyən edir və seçkinin Vaşinqtonun Tehrana yanaşmasına ciddi təsiri olmayacaq.

Gunaz.tv

Bunu ABŞ Dövlət Departamentinin sözçülərindən biri medianın seçkidən sonra Vaşinqtonun Tehrana qaşı münasibətinin necə olacağı barədə sualı cavablandırarkən deyib.

"İranda keçirilən seçkilər azad və ədalətli olmadı və İran xalqının əhəmiyyətli bir hissəsi seçkilərdə iştirakdan imtina etdi. ABŞ bu seçkilərin İslam Respublikasının yanaşmasında və İran xalqının insan haqları sahəsindəki hüquqlarının təmin olunmasında əsaslı dəyişikliyə səbəb olacağını gözləmir",- sözçü vurğulayıb.

Qeyd edək ki, İran hökumətinin rəsmi məlumatında iyulun 5-də keçirilən prezident seçkisinin ikinci turunda seçici hüququ olan vətəndaşların 49.8%-i iştirak edib.

Məsud Pezeşkiyan 16,384 milyon (53,6%) səs toplayıb,
13,538 milyon (44,3%) səs toplayan Səid Cəlili isə məğlub olub.

Ekspertlər və müşahidəçilər Tehran hökumətinin seçici fəallığı ilə bağlı verdiyi statistikanın həqiqətə uyğun olmadığını bildiriblər.

GünazTV

GUNAZ.TV

SON XƏBƏRLƏR