Contact Us

SON XƏBƏRLƏR

Tibb bacılarının etirazları davam edir

2024.08.27, 12:26
Tibb bacılarının etirazları davam edir

İranda iki həftə əvvəl Kərəc şəhərində başlayan tibb bacılarınn etiraz aksiyaları başqa şəhərlərə yayılıb.

Gunaz.tv

Bu barədə Azad İşçilər Birliyi məlumat yayıb.

Bildirilib ki, Buşehr əyalətinin Lənqan və Gülüstan əyalətinin Qorqan şəhərlərindəyüzlərlə tibb bacısı işi dayandırıb, etiraz aksiyalarına qoşulublar.

Bununla eyni vaxtda bir neçə xarici ölkədə də etirazçı tibb bacılarına dəstək aksiyaları keçirilib, onlara qarşı epressiyalara etiraz edilib.

Qeyd edək ki, bu günə kimi ölkənin 37 şəhərinin 60 xəstəxanasının on minlərlə tibb bacısı etiraz aksiyaları keçiriblər.

Onlar əmək haqlarının az olması, vaxtında ödənilməməsi, əlavə iş saatlarına görə vəsait nəzərdə tutulmaması və qanunla nəzərdə tutulan başqa hüquqlarının təmin olunmamasından narazılıq edirlər.

Səhiyyə sisteminin nümayəndələri və məsul şəxsləri tibb bacılarının işi dayandırmalarının xəstəxanalarda problemlərin artmasına səbəb olduğu deyirlər.

Etirazların qarşısının alınması üçün təhlükəsizlik məmurları tibb bacılarına təhdid mesajları göndərir, onlardan aksiyalara qoşulmamağı tələb edirlər.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar