Contact Us

SON XƏBƏRLƏR

Güney Azərbaycanlı alim, professor Dr. Əli Mərdani 2024-cü ildə Türkiyənin Görkəmli Gənc Alimi seçilib

2024.12.19, 13:28
Güney Azərbaycanlı alim, professor Dr. Əli Mərdani 2024-cü ildə Türkiyənin Görkəmli Gənc Alimi seçilib

Güney Azərbaycanlı alim Suldyzdan olan doktor Əli Mərdani Türkiyə universitetlərinin ən yaxşı professorlarından biri kimi prezident Ərdoğan tərəfindən təltif edilib.

Gunaz.tv

Prezident Rəcəb Tayyib Ərdoğan Türkiyə Elmi və Texnoloji Araşdırmalar Şurasının (TÜBİTAK) təşkil etdiyi “TÜBA və TÜBİTAK Elm Mükafatları Mərasimi”nə ev sahibliyi edib. Prezident Rəcəb Tayyib Ərdoğanın iştirakı ilə Beştepe Mədəniyyət Mərkəzində keçirilən mərasimdə Sənaye və Texnologiya naziri Mehmet Fatih Kaçır, TÜBA Direktoru Prof. Dr. Muzaffer Şeker və TÜBİTAK sədri Prof. Dr. Orhan Aydın, müxtəlif universitetlərdən rektorlar, mükafatlı alimlər və ailələri iştirak edib. Qeyd edə ki, tədbirdə Azərbaycan Milli Məclisinin sədri Sahibə Qafarova da iştirak edib.

Əslən Sulduzdan olan Əli Mərdani 2024-cü il üçün Türkiyənin Görkəmli Gənc Alimi (TÜBA GEBİP) seçilib.

O, bakalavr dərəcəsini Urmiyə Azad İslam Universitetində, Magistratura və Doktorantura dərəcələrini Ege Universitetinin İnşaat Mühəndisliyi fakültəsində alıb. O, doktorluq dissertasiyası dövründə Türkiyə Sement İstehsalçıları Birliyi tərəfindən verilən təqaüd qazanıb.

95 jurnal məqaləsi və 98 konfrans məqaləsi daxil olmaqla 170-dən çox nəşri var. Hələ də icraçı olduğu 1 TÜBİTAK 1001 (Türkiyə Elmi və Texnoloji Araşdırmalar Şurası) layihəsi ilə yanaşı, ümumilikdə 9 fərqli TÜBİTAK layihəsində iştirak edib.

Hal-hazırda icra etdiyi 6 BAP (Bursa Uludağ Universiteti Elmi Araşdırma Layihələri Mərkəzi) layihəsinə əlavə olaraq, ümumilikdə 27 BAP layihəsi həyata keçirmişdir. 2019-cu ildən Bursa Uludağ Universitetində Dosent Doktor vəzifəsində çalışır, 2016-cı ildə dosent doktoru vəzifəsində işə başlamışdır. Beton Texnologiyası, Materialşünaslıq, Tikinti Materialı, Betonun davamlılığı və Sement-Aşqının Uyğunluğu sahələrində tədqiqatları olmuşdur.

Açar Sözlər :

SEÇİLMİŞ XƏBƏRLƏR

Çox oxunanlar