Contact Us

SON XƏBƏRLƏR

İran hələ də bizim hücumlarımızın şokunu yaşayır- Baş nazir

2024.12.22, 13:13
İran hələ də bizim hücumlarımızın şokunu yaşayır- Baş nazir

İsrailin oktyabr ayında İran mövqelərinə qarşı geniş hücumları Tehran hökumətini təəccübləndirib və onların hava hücumundan müdafiə sistemlərinin tərəfimizdən məhv edilməsi İran liderlərini şoka salıb.

Gunaz.tv

Bu sözləri İsrailin baş naziri Benyamin Netaniyahu “Wall Street Journal”a müsahibəsində deyib.

“İran rejimi onların həssas hava hücumundan müdafiə sistemlərini məhv etdiyimizi görəndə şoka düşdü. Bu hücumlar onları yenidən bizə cavab verməkdən çəkindirdi”,- baş nazir əlavə edib.

O, İsrailin oktyabrın 26-da İrana hava zərbələri endirməsi nətcəsində rejimin ballistik raketlər istehsal etmək qabiliyyətini ciddi şəkildə zəiflətdiyini söyləyib.

Bu qabiliyyətin bərpasının çətinləşdiyini bildirən Netaniyahu əlavə edib ki, bu hucumlar eyni zamanda, İran rejiminin bölgədəki proksi qüvvələrinə dəstək şəbəkəsini də ciddi şəkildə zəiflədə bilib.

İsrailin baş naziri bu müsahibədə İranın Bəşər Əsədi qorumaq üçün Suriyaya 30 milyard dollar, Hizbullahı qorumaq üçün Livana isə 20 milyard dollardan çox sərmayə qoyduğuna diqqət çəkib.

“Bütün bu xərclər, üstəlik HƏMAS-a sərf olunan böyük xərclər İsrailin hücumu nəticəsində puç oldu”,- Netaniyahu qeyd edib.

İsrailin Livanda Hizbullaha qarşı genişmiqyaslı əməliyyatına toxunan baş nazir, Hizbullah üzvlərinə aid minlərlə peycerin partlamasını tarixdə ən böyük dəqiqliklə hədəfə alma adlandırıb.

O qeyd edib ki, İsrail Hizbullaha qarşı əməliyyat zamanı İranın dəstəklədiyi qruplaşmanın ballistik raket ehtiyatlarının böyük hissəsini məhv etməyə və liderlərini sıradan çıxararaq bu qruplaşmanı ciddi şəkildə zəiflətməyə nail olub.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar