Contact Us

SON XƏBƏRLƏR

Ərdəbil və Şərqi Azərbaycanda ən çox seçilən uşaq adları - Ayhan

2024.12.25, 13:09
Ərdəbil və Şərqi Azərbaycanda ən çox seçilən uşaq adları - Ayhan

Son 9 ay ərzində Şərqi Azərbaycan əyalətində qız uşaqlarına ən çox Mahlin, oğlan uşaqlarına isə Ayhan adı qoyulub.

Gunaz.tv

Bu barədə əyalətin Qeydiyyat İdarəsinin rəhbəri Rza İmani deyib.

"Bu adlardan başqa uşaqlara Şahan, Alisan, Əbülfəz, Əmirəli, Araz, Elvin, Orhan, Mahan, Mehdi, Məhəmməd, Nəfəs, Zəhra, Fatimə, Nura, Aniya, Səlin, Anisa, Dəniz, Nihan və Elay adları seçilib",- İmani bildirib.

Qeyd edək ki, Şərqi Azərbaycanla yanaşı Ərdəbil əyalətində yeni doğulan uşaqlara türk adlarının verilməsi halları artıb.

Ərdəbil əyalətinin Qeydiyyat İdarəsinin rəisi Vəhid Xülusinin sözlərinə görə, son vaxtlar Ərdəbildə oğlan uşaqlarına daha çox  Ayhan, Arkan, Alisan adları qoyulur.

"Bundan əvvəl Ərədbildə körpələrə dini şəxsiyyətlərin və müqəddəslərin adları verilirdi, indi isə bu qəribə adlar üstünlük təşkil edir və bu çox təəccüblüdür",- deyə Xülusi narahatlığını bildirib.

O, oxşar tendensiyanın qız uşaqları ilə bağlı da baş verdiyinə diqqət çəkib.

Qeydiyyat İdarəsinin rəisi deyib ki, bundan əvvəl qızlara daha çox Fatimə, Zəhra, Məryəm və bir sıra islami adlar seçilirdi, bu gün isə həmin adların yerini Mahlin, Nisan və başqa bu kimi adlar tutub.

Vəhid Xülusi uşaqlara türk adlarının verilməsi hallarının artmasını müsbət qarşılamasa da, başçılıq etdiyi idarənin həmin adları qeydiyyata almağa məcbur olduğunu iddia edib.

Qeyd edək ki, Xülusinin iddiasının əksinə olaraq, türk adlarının qeydiyyata alınması olduqca çətin bir prosesə çevrilib.

Ərdəbil əyalətinin Qeydiyyat İdarəsinin rəisi və onun başqa bölgələrdəki əməkdaşları türk adlarını qeyri-iran və qeyri-islam adı adlandıraraq kimlik sənədi verməkdən imtina edirlər.

Türk adı qoyulan uşağa bu adda sənəd almaq üçün valideynlər aylarla, bəzən illərlə mübarizə aparmalı, məhkəmələrə müraciət etməli olurlar.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar