Contact Us

SON XƏBƏRLƏR

Kanada hökuməti Çinin uyğur türklərinin hüquqları ilə bağlı fəaliyyət göstərən qurumlara qarşı hərəkətlərini pisləyib

2024.12.26, 13:24
Kanada hökuməti Çinin uyğur türklərinin hüquqları ilə bağlı fəaliyyət göstərən qurumlara qarşı hərəkətlərini pisləyib

Kanada hökuməti Çinin uyğur türkləri və tibetlilərlə bağlı insan haqlarının müdafiəsində fəal olan iki təşkilat və 20 Kanada vətəndaşına qarşı hərəkətlərini pisləyib və Pekindən beynəlxalq hüquq çərçivəsində öhdəliklərinə əməl etməsini istəyib.

Gunaz.tv

Bu barədə Kanada Xarici İşlər Nazirliyinin dekabrın 24-də yaydığı bəyanatda qeyd edilib.

Nazirlik Kanada-Tibet Komitəsi və uyğur hüquq müdafiəçiləri ilə həmrəy olduğunu bildirib.

Qeyd edək ki, sayları 11-20 milyon arası olan Uyğur türkləri əsasən Sintsızyan-Uyğur bölgəsində yaşayırlar. İnsan haqları qrupları Çin hökumətini uyğurların hüquqlarını geniş şəkildə pozmaqda, o cümlədən düşərgələrdə məcburi əməyə cəlb etməkdə ittiham edir.

Qeyd edək ki, dekabrın 22-də Çin Kanadada yaşayan uyğurların insan haqları fəaliyyətlərinə və Kanada-Tibet Komitəsinə cavab olaraq bu təşkilatların aktivlərinin dondurulduğunu və 20 Kanada vətəndaşının Çinə girişini qadağan etdiyini açıqlayıb.

Kanada hökuməti cavab olaraq Kanada torpaqlarında bu şəxslərə və ya onların ailələrinə və dostlarına qarşı heç bir təhdid, zorakılıq və ya təqiblərə dözməyəcəyini vurğulayıb.
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar