Contact Us

SON XƏBƏRLƏR

Ərdoğan: YPG tarixin zibil qutusuna atılmağa yaxındır

2025.01.18, 14:19
Ərdoğan: YPG tarixin zibil qutusuna atılmağa yaxındır

Prezident Rəcəb Tayyib Ərdoğan partiyasının Kayseri əyalət qurultayında çıxış edib.

Gunaz.tv

Türkiyə Böyük Millət Məclisində terrora son qoyulması ilə bağlı razılıq əldə edildiyini bildirən Ərdoğan, Türk əsrində terrora və ya onunla bağlı əzablara yer olmadığını deyib və belə davam edib:

"İŞİD teatrı ilə bölgəmizi cəhənnəmə çevirənlər bu dəfə uğur qazana bilməyəcəklər. YPG terror təşkilatı Suriyanın təhlükəsizliyi və sülhü qarşısında ən böyük maneədir. Bu terror təşkilatı vasitəsilə hazırlanan ssenarilər artıq keçərli deyil. Bu təşkilat da tezliklə zibil qutusuna atılacaq."

Prezident Ərdoğan Türkiyənin Suriya ilə 911 kilometr sərhədi olduğunu və iki ölkə arasında min illik tarixi və insani əlaqələrin olduğunu bildirib.

"Bilirsiniz, bəziləri illərdir bizə Suriya haqqında danışır. Sanki onlar bizim sərhəd qonşumuz deyildilər. Dedilər ki, Türkiyənin Suriyada nə işi var? “Yaxın Şərq bataqlığı” ifadəsini işlətməklə regionumuza kimin perspektivindən baxdıqlarını açıq şəkildə ortaya qoydular."

Ərdoğan, 61 ildir xalqına zülm edən Baas rejiminin bir neçə gün ərzində süqut etdiyini və Əsədin arxasına belə baxmadan Suriyadan qaçdığını qeyd edib.

"Uşaqları, körpələri, mülki insanları vəhşicəsinə öldürən qatillər və cinayətkarlar layiq olduqları rəftarı görürlər. Suriya xalqı öz gələcəklərini təyin edəcəkləri yeni bir administrasiyanın qurulması istiqamətində möhkəm addımlar atır. Biz lazım olan bütün dəstəyi veririk və verməyə davam edəcəyik. Bunun üçün lazım olan dəstək Türkiyə olaraq Suriyanı qorumaqdır”.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar