İsrail azadlığa buraxılacaq 735 nəfərin siyahısını açıqlayıb

SON XƏBƏRLƏR

İsrail azadlığa buraxılacaq 735 nəfərin siyahısını açıqlayıb

2025.01.18, 14:31

İsrail sabah yerli vaxtla saat 09:30-da qüvvəyə minəcək Qəzzada atəşkəs və əsir mübadiləsi razılaşması çərçivəsində azad ediləcək 735 nəfərin siyahısını dərc edib.

Gunaz.tv

GünazTV HaberGlobal-a istinadən xəbər verir ki, İsrail Ədliyyə Nazirliyi məhbus mübadiləsini ehtiva edən üç fazalı razılaşmaya əsasən, hökumətin təsdiq etdiyi müqavilə çərçivəsində azadlığa buraxılacaq 735 nəfərin siyahısını dərc edib.

“Jerusalem Post”un məlumatına görə, azadlığa buraxılacaqlar arasında Fəthə bağlı Əl-Əqsa Şəhidləri Briqadalarının Cenindəki keçmiş komandiri Zəkəriyyə Zubeydi də var. Zubeydi 2021-ci ildə Gilboa həbsxanasından qaçan məhbuslardan biri idi.

Azad ediləcək digər şəxs isə İsraillə əməkdaşlıqda ittiham olunan fələstinli qadını öldürdüyünə görə ömürlük və əlavə 15 il həbs cəzasına məhkum edilmiş Mahmud Atallahdır.

Digər adlar arasında 13 dəfə ömürlük həbs cəzasına məhkum edilmiş Mərvan Barqutinin yaxın köməkçisi Əhməd Barquti də var. 2002-ci ildə Bərquti ilə birlikdə Ramallahda həbs edilən Əhməd Fəthin hərbi qanadı olan Əl-Əqsa Şəhidləri Briqadalarının silah-sursatla təmin edilməsindən məsul olub və bu briqadaların əməliyyat komandiri olub.

Həmasın Silvan Hüceyrə üzvləri Wael Qassem və Wisam Abbasi də azad ediləcəklər arasındadır. Qassem və Abbasi 2000-ci illərin əvvəllərində Qüdsdəki Café Moment, Rishon Leziondakı Şeffild klubunda və İvrit Universitetində Frank Sinatra kafeteryasında baş verən partlayışlar da daxil olmaqla, onlarla insanın ölümünə səbəb olan hücumlarda günahlandırılır.

Xəbərdə nazirliyin ilk məhbus qrupunun sabah (bazar günü) yerli vaxtla saat 16:00-dan əvvəl buraxılmayacağı açıqlanıb.

Ş.E

GUNAZ.TV

SON XƏBƏRLƏR