SON XƏBƏRLƏR

Muxtar İbrahimi təkadamlıq kameraya salınıb

2025.01.20, 11:09
Muxtar İbrahimi təkadamlıq kameraya salınıb

Marağa şəhərinin həbsxanasında saxlanılan və yanvarın 18-dən aclıq aksiyasına başlayan milli fəal Muxtar İbrahimi təkadamlıq kameraya köçürülüb.

Gunaz.tv

Bu barədə insan haqları təşkilatları məlumat yayıb.

Bildirilib ki, İbrahimi şərti azadlığa buraxılması barədə tələbinin yerinə yetirilmədiyinə görə aclıq aksiyasına əl atıb.

"Prokuror Muxtar İbrahimiyə şərti azadlığa buraxılması qarşılığında bundan sonra siyasi fəaliyyət göstərməyəcəyi barədə öhdəlik imzalamağı təklif edib və İbrahimi bundan imtina etdiyi üçün üçün şərti azadlıq barədə tələbi yerinə yetirilməyib",- insan haqları fəallarının yaydığı məlumatda deyilir.

Qeyd edək ki, Muxtar İbrahimi bundan əvvəl "hökumətə qarşı qrup və dəstə yaratmaq" və "müxalif qrup və kanallara üzv olmaq" ittihamlarına görə 10 il azadlıqdan məhrum edilib.

Bir müddət sonra Şərqi Azərbaycan əyalətinin Apellyasiya Məhkəməsinin ikinci bölməsi  onun işinə yenidən baxaraq, İbrahimi barəsində çıxarılan ilkin qərarı ləğv edərək fəala "hökumətə qarşı təbliğat" ittihamına görə 1 il həbs cəzası verib.

Muxtar İbrahimi 22 yanvar 2024-cü ildə Marağa həbsxanasına köçürülüb.

GünazTV

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar