Tramp Yəməndəki husiləri terror təşkilatları siyahısına salır

SON XƏBƏRLƏR

Tramp Yəməndəki husiləri terror təşkilatları siyahısına salır

2025.01.23, 11:10

Amerika prezidenti Donald Tramp ikinci dəfə Yəməndə İranın dəstəklədiyi Husi milislərini xarici terror təşkilatı kimi tanıyan fərman verib.

Gunaz.tv

Trampın imzaladığı bəyanatda deyilir ki, Vaşinqtonun siyasəti Husilərin əməliyyat imkanlarını aradan qaldırmaq üçün regional tərəfdaşları ilə işləməkdir.

Bəyanatda, fəaliyyəti dünyada terror təşkilatlarını silahlandırmaq olan İran İnqilab Keşikçiləri Korpusunun Qüds Qüvvələrinin köməyi ilə husilərin 2023-cü ildən bəri ABŞ Hərbi Dəniz Qüvvələrinə aid döyüş gəmilərinə onlarla atəş açdığı və nəticədə Amerika hərbçilərinin həyatını təhlükəyə atdığı vurğulanıb.

“Bu əmr "Ənsar Allah" təşkilatının, həmçinin husilər kimi tanınan qrupun xarici terror təşkilatı kimi tanınması üçün nəzərdən keçirilməsi prosesini başladır”, – fərmanda qeyd olunub.

Fərmanda bildirilib ki, "2023-cü ildən husilər İran İslam İnqilabı Keşikçiləri Korpusunun (Sepah) dəstəyi ilə ABŞ Hərbi Dəniz Qüvvələrinin gəmilərini dəfələrlə atəşə tutub”, “2014-2015-ci illərdə husilər mülki infrastruktura çoxsaylı hücumlar edib, o cümlədən Səudiyyə Ərəbistanındakı mülki hava limanlarına çoxsaylı hücumlar, 2022-ci ilin yanvarında Birləşmiş Ərəb Əmirliklərinə ölümcül hücumlar və 2023-cü ilin oktyabrından İsrailə 300-dən çox mərmi atıblar”.

“Husilərin hərəkətləri Yaxın Şərqdəki Amerika mülki şəxslərinin və personalının təhlükəsizliyinə, ən yaxın regional tərəfdaşlarımızın təhlükəsizliyinə və qlobal dəniz ticarətinin sabitliyinə təhdid yaradır”, – sənəddə qeyd olunub.

Fərmana əsasən, ABŞ dövlət katibi 30 gün ərzində Milli Təhlükəsizlik Şurası vasitəsilə prezidentə “Ənsar Allah”ın xarici terror təşkilatları siyahısına daxil edilməsi barədə hesabat təqdim etməli, hesabatın təqdim edilməsindən 15 gün sonra təşkilatın terror təşkilatı kimi tanınması üçün bütün tədbirləri görməlidir.

Fərman həmçinin nəzərdə tutur ki, ABŞ-nin Beynəlxalq İnkişaf Agentliyi (USAID) və Dövlət Departamenti Yəməndə husilərə ödəniş edən və ya qruplaşma ilə mübarizədə beynəlxalq səylərə mane olan istənilən təşkilatla əlaqələri kəsəcək.

GUNAZ.TV

SON XƏBƏRLƏR